Paradzıýdodan Qazaqstan quramasy Azııa chempıonatynda 14 medal jeńip aldy, dep habarlaıdy “Adyrna” ulttyq portaly.
Astanada paradzıýdodan Azııa chempıonatynyń jekeleı saıystary óz máresine jetti. 11 eldiń 100-den astam sportshysy J1 (kózi múldem kórmeıtin) jáne J2 (kózi nashar kóretin sportshylar) sanaty boıynsha ózara myqtyny anyqtady.
Jekeleı saıys nátıjesinde Qazaqstan quramasy jalpy komandalyq medal kestesinde ekinshi orynǵa jaıǵasty, dep habarlaıdy Qazaqstan paradzıýdo federaııasynyń baspasóz qyzmeti.
Azııa chempıonatynyń jekeleı jarystary boıynsha medal ketesindegi úzdik úshtik kelesideı:
Ózbekstan – 4 altyn, 6 kúmis, 3 qola;
Qazaqstan – 4 altyn, 4 kúmis, 6 qola;
Iran - 3 altyn, 2 qola.
Atap aıtqanda, Daıana Fedosova (-57kg, J2), Erǵalı Shameı (-73kg, J1), Alfııa Tilekqabyl (-57kg, J1) jáne Janbota Amanjol (-90 kg, J2) chempıon atansa, Aqmaral Naýatbek (-52 kg, J2), Erlan Konkıev (+90 kg, J2), Baýyrjan Arystanbekov (-90 kg, J1) jáne Ǵalymjan Smaǵululy (-90 kg, J2) kúmis, Oljas Orazaly (-73 kg, J2), Dınara Kýdjýlova (-70 kg, J1), Záýre Aıtek (+70 kg, J1), Talǵat Ajǵalıev (+90 kg, J2), Erlan Ótepov (+90 kg, J1), Dılorom Dıhanova (-57 kg, J1) qola medal enshiledi.
"Jekeleı saıys boıynsha qurama jospardy tolyq oryndady. Azııa chempıonatynda jeńimpaz jáne júldeger atanǵan sportshylardyń basym bóligi quramaǵa bıyl qosylǵan jas balýandar. Osyndaı álemdik dárejedegi alǵashqy jarystaryna qatysty. Olardyń keıbireýleri, mysaly Alfııa saýsaǵynyń synǵanyna qaramastan kúresip, jankeshtilik tanytty. 16 jasynda Azııa chempıony atandy", - deıdi Qazaqstan quramasynyń bas bapkeri Jandos Qııanov.
Búgin, 30 sáýir Astanadaǵy Jaqsylyq Úshkempirov atyndaǵy jekpe-jek saraıynda Azııa chempıonatynyń komandalyq jarysy ótedi. Komandalyq jarysqa erler arasynda alty, al áıelder arasynda úsh qurama qatysady.
