Qazaqstandyq Danıl Vasılev shańǵymen sekirý sportynan AQSh-tyń Leık-Plesıd qalasynda ótip jatqan Ýnıversıadada altyn medal jeńip aldy, dep habarlaıdy “Adyrna” tilshisi Sports.kz -ke silteme jasap.
Vasılev qalypty shańǵymen sekirý jarysynda jeńiske jetti. Birinshi talpynysta ol 127,2 upaımen birinshi oryn alsa, sońǵy aınalymda ekinshi (130,1) bolyp márege jetti.
Eki kezeńniń qosyndysynda qazaqstandyq avstrııalyq Maksımıllıan Lınherdi (251,4) jáne Tımon Paskal Kahoferdi (248,8) basyp ozyp, 257,3 úzdik nátıje kórsetti.
Basqa qazaqstandyq sportshylardyń nátıjesi mynadaı: Sergeı Tkachenko – jetinshi (220,9), Nıkıta Devıatkın – toǵyzynshy (216,2), Svıatoslav Nazarenko – 20 (147,3), Maǵjan Amangeldiuly – 21 (144,5). Vasılevtiń medali Qazaqstan úshin bıylǵy Ýnıversıadadaǵy ekinshi medal boldy.
Buǵan deıin birinshi «altyndy» bıatlonshy Vadım Kýrales jeńip alǵan bolatyn.
