Qazaqstan Respublikasynyŋ Prezidentı Qasym-Jomart Toqaev «Qazaqstan Respublikasynyŋ Prezidentı turaly» Qazaqstan Respublikasy Konstitusiialyq zaŋynyŋ 17 jäne 21-baptaryna säikes jäne qoǧamdy odan ärı demokratiialandyru, elde jürgızılıp jatqan reformalar turaly halyqty habardar etu, jergılıktı atqaruşy organdardyŋ aşyqtyǧyn, jauapkerşılıgın, eseptılıgın arttyru maqsatynda Qauly şyǧardy, dep jazdy «Adyrna» tılşısı.
Bas qūjatta «barlyq deŋgeidegı äkımder jyl boiy halyqpen kezdesuler ötkızsın, olardyŋ barysynda halyqty tolǧandyratyn äleumettık mäselelerge basa nazar audara otyryp, Qazaqstandy jaŋǧyrtudyŋ jaŋa baǧdarynyŋ negızgı baǧyttary turaly habardar etsın jäne problemalyq mäselelerdı şeşudıŋ joldary men merzımderın tüsındırsın», delıngen edı.
Prezidenttıŋ pärmenıne orai, Almaty qalasynyŋ äkımı tūraqty türde qala halqymen kezdesuler ötkızıp keledı. Būl oly şahar basşysy Erbolat Dosaevtyŋ halyqpen kezektı kezdesuı Jetısu audanynda öttı. Qala basşysy audannyŋ damuy jäne tūrǧyndardan tüsken ūsynystar boiynşa atqarylǧan jūmystar turaly aityp berdı. Kezdesuge 300-den astam adam keldı.
Audanda kommunaldyq infraqūrylymdy jaŋǧyrtu özektı mäsele bolyp qala beredı. Audan tūrǧyndary Qūlager ş/a jylumen jabdyqtau mäselesıne erekşe alaŋdauşylyq bıldırdı. Şaǧyn audanda ūzyndyǧy 1,7 km bolatyn jylu jelılerın qaita qūru qazan aiynyŋ soŋyna deiın jürgızıldı, al qazırgı uaqytta tolyq aiaqtaldy.
Audandy tūraqty elektrmen qamtamasyz etu üşın 40 km eskırgen elektr jelılerın qaita jaŋartu jūmystary jürgızılude, 800 baǧana ornatyldy, 15,8 km kabel tartyldy. Būl Jetısu audanynda 4000-nan astam abonenttı üzdıksız elektrmen qamtamasyz etuge mümkındık beredı. Jyl soŋyna deiın köşe jaryǧyn modernizasiialau aiaqtalady.
Qaraşa aiynda Qazybaev, Rysqūlov daŋǧyldary, Tätıbekov köşesı, Raiymbek daŋǧylynyŋ qiylysynda ūzyndyǧy 57,9 km sumen jabdyqtau jelılerın rekonstruksiialau jäne kärız qūrylysy boiynşa jūmystar aiaqtalady.
Jol infraqūrylymy jäne qauıpsızdık mäselelerı boiynşa: aǧymdaǧy jyldyŋ basynan berı jalpy audany 28 myŋ şarşy metr bolatyn 124 jol uchaskesıne aǧymdaǧy jöndeu jürgızıldı, ortaşa jöndeu – ūzyndyǧy 26,3 km bolatyn 21 köşege, ūzyndyǧy 16,3 km bolatyn jaŋa trotuarlar salyndy, 30 jaŋa aialdama keşenı ornatyldy, 8 avtobus baǧytynyŋ jyljymaly qūramy tolyǧymen jaŋartyldy.
Oquşy oryndarynyŋ tapşylyǧyn azaitu üşın üş mektepke 800 oryndyq 3 qosymşa nysannyŋ qūrylysy bastaldy. Ekı mekteptı kürdelı jöndeu qarastyrylǧan.
Jetısu audanynda türlı jastaǧy balalardyŋ sportpen şūǧyldanuy üşın 2 dene şynyqtyru-sauyqtyru keşenı aşyldy: Kemel ş/a auysymynda 94 keluşıge, al Ainabūlaq şaǧyn audanynda auysymynda 100 keluşıge arnalǧan.
Medisinalyq qyzmet körsetudıŋ qadamdyq qoljetımdılıgın qamtamasyz etu üşın jyl soŋyna deiın Kemel ş/a 200 keluşıge arnalǧan ODA (otbasylyq därıgerlık ambulatoriia) qūrylysy aiaqtalady. Bır auysymda 500 keluşıge arnalǧan emhanalarǧa kürdelı jöndeu jäne ekı ǧimarat saluǧa jobalau-smetalyq qūjattama daiyndau qolǧa alynǧan.
Audanda qatty jauyn-şaşyn kezınde su basu mäselesı özektı bolyp qaluda. TJ jelısı boiynşa 8 uchaskenı joiu jūmystary jürgızılude. Būl mäselenı şeşu üşın ūzyndyǧy 7,2 km aryq jelılerın salu, 2,2 km kollektorlardy qalpyna keltıru jäne 2,5 km Esentai kanalyn tazartu jūmystary jürgızılude. Atalǧan jūmystardy aǧymdaǧy jyldyŋ soŋyna deiın aiaqtau josparlanuda. Kelesı jyly ekologiia jäne qorşaǧan ortany basqaru jelısı boiynşa ūzyndyǧy 27 km 27 uchaskede aryq jelılerın salu josparlanuda.
Sondai-aq, qala äkımı Erbolat Dosaev audannyŋ qoǧamdyq qauıpsızdıgın qamtamasyz etu şaralary turaly habardar ettı. Aǧymdaǧy jyldyŋ soŋyna deiın adamdar köp jinalatyn jerlerde 597 beinekamera ornatylady.
«Halyq qatysatyn biudjet» baǧdarlamasy boiynşa audanda 800 mln teŋgege 23 joba ıske asyryldy. Būl jobalardy jüzege asyru Velikolukskaia köşesınde jaŋa qoǧamdyq keŋıstık qūruǧa mümkındık berdı. Sondai-aq, ekı skverde jaŋa sport alaŋdary aşyldy.
Audan tūrǧyndary 2023 jylǧa qoǧamdyq keŋıstıktı abattandyru jäne kögaldandyru, balalar men sport alaŋdaryn jöndeu jäne jasau boiynşa 129 ötınım berdı, onyŋ ışınde 18 joba aldyn ala ırıkteldı.
Almaty äkımımen kezdesu barysynda tūrǧyndar joldardy jöndeu, kärız jäne elektr jelılerın abattandyru jäne t. b. mäselelerdı köterdı.
Ūqsas jaŋalyqtar
