Búgin, 18 sáýirde vıe-premer Qanat Bozymbaev Almatyda seısmıkalyq qaýipsizdikti qamtamasyz etý boıynsha keńes ótkizdi, dep habarlaıdy «Adyrna» tilshisi Úkimettiń baspasóz qyzmetine silteme jamap.
Ǵımarattardyń seısmıkalyq turaqtylyǵyn arttyrý boıynsha qabyldanyp jatqan sharalar týraly ónerkásip jáne qurylys mınıstri Qanat Sharlapaev esep berdi. Ol seısmıkalyq deńgeıi 7-9 ball bolatyn alańdarda turǵyn úıler men áleýmettik nysandar salý kezinde seısmıkalyq oqshaýlaýdyń mindetti júıesin engizý týraly baıandady.
Qanat Bozymbaev halyqaralyq tájirıbeni, onyń ishinde japon tájirıbesin eskere otyryp, seısmıkalyq qaýipti óńirlerdegi nysandardy jobalaý kezinde normalardy qatańdatý jumystaryn júrgizýdi, sondaı-aq akkredıttelgen zerthanalardy qoldana otyryp, qurylys normalarynyń sáıkestigin qadaǵalaýdy kúsheıtýdi tapsyrdy.
Almaty ákimi Erbolat Dosaev qalada 1 maýsymǵa deıin Mass Alert júıesiniń pılottyq rejımde engiziletin aıtty. Jańa júıe tótenshe jaǵdaı týyndaǵan sátte azamattardy ýaqytyly habardar etpek.
Vıe-premer halyqty shuǵyl habardar etý júıesin iske qosý proesin jedeldetýdi tapsyrdy. Atalǵan júıe elimizdiń jer silkinisi qaýpi bar barlyq óńirlerinde bolýy jáne úzdiksiz jumys isteýi qajet.
Sondaı-aq Qanat Bozymbaev jer silkinisi bolǵan jaǵdaıda halyqty aqparattandyrýǵa, qutqarý jáne evakýaııalyq is-sharalardy uıymdastyrýǵa, jyljymaly dalalyq gospıtaldardy óristetýge qatysty memlekettik organdardyń is-qımyl algorıtmin tyńdady.
