Almatydaǵy atys: Mert bolǵan polıeılerdiń otbasyna úı beriledi

2853
Adyrna.kz Telegram

Qazaqstan ishki ister mınıstri Erlan Turǵymbaevtyń tapsyrmasy boıynsha mınıstrdiń orynbasary Murat Baımuqashev qaza bolǵan polıııa qyzmetkerleri Darhan Súleev pen Nurbol Baıǵazıevtiń otbasylaryna bardy, dep habarlaıdy "Adyrna" ulttyq portalynyń tilshisi Polisia.kz saıtyna silteme jasap.

IIM basshylyǵy, ishki ister organdarynyń jeke quramy atynan qyzmettik mindetin oryndaý kezinde qaza tapqan polıııa qyzmetkerleriniń týystary men jaqyndaryna kóńil aıtty.

 

- Ishki ister mınıstriniń qoldaý haty boıynsha Almaty qalasynyń ákimdigi qaza tapqan polıııa qyzmetkerleriniń otbasyna turǵyn úı beredi. Sonymen qatar, ishki ister mınıstriniń buıryǵy boıynsha tártip pen zańdylyqty sońyna deıin kúzetken ýchaskelik ınspektorlar "Quqyq tártibin qamtamasyz etýge kosqan úlesi úshin" medaldarymen marapattaldy, - delingen habarlamada.

Alataý aýdandyq PB JPQB ýchaskelik ınspektory, polıııa maıory Súleev Darhan Daýylbaıuly, 1982 jyly týǵan, QR IIM Almaty Akademııasynyń Magıstratýrasyn bitirgennen keıin 2003 jyldan bastap ishki ister organdarynda qyzmet etti. 2021 jyldyń tamyzynda ýchaskelik ınspektor laýazymyna taǵaıyndalǵan edi. IIO qyzmet etken jyldar ishinde ol 6 marapatqa ıe boldy, onyń ishinde "Ishki ister organdaryndaǵy minsiz qyzmeti úshin" 3-dárejeli medalimen, sondaı-aq "Qazaqstan polıııasyna 25 jyl" tósbelgisimen marapattaldy. Úılengen, kámeletke tolmaǵan bes balasy bar.

Alataý aýdandyq PB JPQB ýchaskelik ınspektory, polıııa kapıtany Baıǵazıev Nurbol Nazarbaıuly, 1988 jyly týǵan, ishki ister organdarynda 2014 jyldan beri qyzmet etken. Ol 13 marapatqa ıe boldy, onyń ishinde "Úzdik qutqarýshy jaýynger" jáne "Qazaqstan polıııasyna 25 jyl" tósbelgilerimen marapattaldy. Úılengen, kámeletke tolmaǵan eki balasy bar.

"Adyrna" ulttyq portaly

Pikirler