QR Prezıdenttigine kandıdat Saltanat Tursynbekova Aqtaýda jalǵyzbasty analarmen kezdesý ótkizip, alıment máselesin talqylady. Bul týraly "Adyrna" ulttyq portaly habarlaıdy.
"Búgin men batys óńirinde – Aqtaý qalasyndamyn! Meni asyǵa kútken jalǵyzbasty analarmen kezdesýim ótti. Biz qoǵamdaǵy sheshimin tappaı júrgen – alıment máselesin talqyladyq. Dálirek aıtsam, olar alıment tóleýden jaltaryp júrgen azamattardyń máselesin kóterdi. Kezdesýge balasy bar bir áıel qatysty. Ol kúıeýiniń kópten beri alıment tóleýden qashyp júrgenin, endi balany moıyndamaı, DNK saraptamasyn talap etetin jaǵdaıǵa jetkenin aıtty. Demek, álgi áıeldiń burynǵy jary óz balasyn asyraǵysy kelmeıdi. Balaǵa alıment tólemeý – kún saıyn ulǵaıyp bara jatqan kúrdeli másele. Jalǵyzbasty analar balasy úshin alımentti surap almaýy kerek, burynǵy kúıeýi men birge turatyn adamdarynyń artynan júgirmeýi tıis. Balalaryn baǵyp-qaǵyp ósiredi, olarǵa bilim, laıyqty tárbıe beredi", - deıdi Saltanat Tursynbekova.
Onyń aıtýynsha, bul áıelder barlyq jaýapkershilik júgin tek bir ózi kótermeýi qajet.
"Men Ishki ister mınıstrligi málimdegen birneshe ıfrdy mysalǵa keltire alamyn. 2021 jyly Qazaqstan Respýblıkasy Qylmystyq kodeksiniń 139-baby boıynsha alıment tólemegeni úshin 300-ge jýyq boryshker qylmystyq jaýapkershilikke tartylsa, onyń tek jartysy ǵana naqty merzimderin alǵan. Taǵy 6 myńǵa jýyq boryshker ákimshilik jaýapkershilikke tartyldy. Bul rette qaryzdyń jalpy somasy júzdegen mıllıard teńgeni qurasa, sot oryndaýshylar myńdaǵan isterdi júrgizip jatyr. Boryshkerlerdiń kópshiligi ádildikten jáne burynǵy áıelderinen esh jazasyz qashyp ketýdi kózdeıdi. Alıment óndirip alýdyń negizgi máseleleriniń biri – boryshkerdiń kirisin anyqtaýdyń tıimdi ádisteriniń joqtyǵy. Eger boryshkerde jumys bolmasa jáne jumys izdeýge tyryspasa, onda alımenttik qaryz ortasha respýblıkalyq jalaqyǵa súıene otyryp aıqyndalady. Sot oryndaýshylary múlik týraly aqparatty tek ashyq kózderden alady. Tipti eger adam qymbat kólik minip, shetelge saıahattasa da, biraq onyń resmı kirisi jasyryn bolsa, oǵan alıment tóletý múmkin emes", - deıdi prezıdentikke úmitker.
Sonymen qatar, tórt sandyq aıyppuldar nemese eki jylǵa deıin qamaýǵa alýmen qorqytý olardyń alıment boıynsha mindettemelerin oryndaýyna is júzinde áser etpeıdi.
"Sebebi, alıment tólemeıtin azamatqa qatysty qylmystyq is qozǵalǵan kezde ol azdaǵan somany, aıtalyq, birneshe myń teńge tólep, jaýapkershilikten jaltarýy múmkin. Osynyń barlyǵyn negizge ala otyryp, turaqty alıment tólemeıtinderdi jaýapqa tartýdyń qazirgi mehanızmi tıimsiz ekenin moıyndaý kerek. Nelikten jaǵdaı ózgermeıdi? Meniń oıymsha, uzaq ýaqyt boıy otbasyndaǵy zorlyq-zombylyq sııaqty, bul da ekinshi kezektegi másele bolyp sanalady. Al men ony irińi jarylaıyn dep turǵan jaraǵa teńer edim. Meniń oıymsha, biz qoǵamymyzdyń nazaryn osy áıelderge burýymyz kerek. Men kópten beri tolyq emes otbasyn qoldaý taqyrybyn kóterip kelemin. Onyń ishinde alıment jáne basqa da reformalar bar. Ózimniń saılaýaldy baǵdarlamamnyń sheńberinde tolyq emes otbasylardyń mártebesin zańnamalyq turǵydan bekitýdi jáne naqty otbasynyń qıyn jaǵdaıyn eskere otyryp, turǵyn úıdi durys bólý mehanızmin ázirleýdi usynamyn.
Jalǵyzbasty analarǵa durystap kóńil bólý kerek dep oılaımyn. Áıelder qıyndyqqa uzaq ýaqyt shydaı alady, biraq ómir boıy emes", - deıdi prezıdentikke kandıdat Saltanat Tursynbekova.
"Adyrna" ulttyq portaly
