Toqaev Siriiaǧa gumanitarlyq kömek jıberudı tapsyrdy. Būl turaly Aqordanyŋ baspasöz qyzmetı habarlady, dep jazady "Adyrna" ūlttyq portaly.
Memleket basşysy Tötenşe jaǧdailar ministrı Iýrii İlinnıŋ esebın tyŋdady. Ministr Prezidentke Türkiianyŋ joiqyn jer sılkınısınen zardap şekken aimaqtarynda qazaqstandyq qūtqaruşylardyŋ jürgızıp jatqan ızdestıru-qūtqaru jūmystary turaly baiandady.
Tötenşe jaǧdailar ministrlıgınıŋ qyzmetkerlerı qiyn jaǧdailarǧa qaramastan, jergılıktı atqaruşy organdarmen tyǧyz bailanysa otyryp, joǧary käsıbilık tanytyp, öz mındetterın nätijelı atqaryp jatyr. Äzırge aman qalǧan 4 adam qūtqaryldy.
Memleket basşysynyŋ tapsyrmasy boiynşa qūtqaruşylar men kinologtar toby habarsyz ketken Qazaqstan azamattaryn ızdeu üşın bügın taŋerteŋ Hataiǧa jettı.
Qasym-Jomart Toqaev qazaqstandyq qūtqaruşylardyŋ jūmysyna oŋ baǧa berıp, olarǧa sättılık tıledı.
Sonymen qatar Prezident Ükımetke İslam yntymaqtastyq ūiymy arqyly Siriiaǧa gumanitarlyq kömek jıberudı tapsyrdy.
"Adyrna" ūlttyq portaly
Ūqsas jaŋalyqtar
