Ýkraına Prezıdenti V. Zelenskıı tutas Ýkraına turǵyndary men maıdanda júrgen jaýyngerlerge úndeý joldady, dep habarlaıdy "Adyrna" ulttyq portaly.
Vıdeo-úndeýde Zelenskıı Ýkraına turǵyndaryn bir bolýǵa, birlikte bolýǵa shaqyryp, basqynshylardan Ýkraına topyraǵyn tolyq azat etetindigine sendirdi.
- Qazir bizdiń qarýly kúshterimiz Ýkraınany basqynshylardan azat etý jolynda kúresip jatyr. Birqatar oblystardaǵy aımaqtar men aýdandardy azat ettik. Maıdan shebinde qııankesti urys áli jalǵasýda.
Bunyń sońy belgili. Qazirdiń ózinde basqynshylardyń tym-tyraqaı qashqanyn kórip otyrmyz. Qarsy tarapta adam ólimi óte kóp. Ýaqyt ótken saıyn Reseı bizge qarsy kelip, ózderiniń ońbaı qateleskenin uǵynýda.
Óz atajurty úshin kúresken birligi bekem ultty oısyrata jeńý de, jasytý da múmkin emes! - dedi Zelenskıı óz sózinde.
