Äsem Nüsıpova Almaty qalasy äkımınıŋ orynbasary qyzmetınen öz erkımen bosatyldy, dep habarlaidy "Adyrna" ūlttyq portaly Tengrinews.kz-ke sıltep.
Resmi mälımetke säikes, ol būl qyzmettı 2022 jyldyŋ aqpan aiynan bastap atqaryp kelgen. Onyŋ qaramaǧynda bılım beru, densaulyq saqtau, halyqty jūmyspen qamtu jäne äleumettık qorǧau salalary bolǧan.
Äsem Nüsıpova 1975 jyly 1 mamyrda Almaty qalasynda düniege kelgen. Äl-Farabi atyndaǧy Qazaq ūlttyq universitetınıŋ tülegı, ekonomika jäne menedjment mamandyǧy boiynşa magistratura men aspiranturany tämamdaǧan.
Eŋbek jolyn 1999 jyly osy universitette assistent bolyp bastaǧan. Keiınnen QR Qauıpsızdık keŋesınde, Prezident Äkımşılıgınde, qarjy ministrlıgınde jäne premer-ministr keŋsesınde ärtürlı jauapty qyzmetter atqarǧan.
2007–2008 jyldary densaulyq saqtau vise-ministrı, 2016–2019 jyldary Şyǧys Qazaqstan oblysy äkımınıŋ orynbasary, 2020 jyly densaulyq saqtau ministrlıgınıŋ jauapty hatşysy, 2020–2022 jyldary vise-ministr lauazymynda bolǧan.
Aita keteiık, Almaty qalasynyŋ jaŋa äkımı Darhan Satybaldy qyzmetke kırıskennen keiın äkımdık qūramynda bırqatar kadrlyq özgerıster oryn aluda. Soŋǧy uaqytta äkımdık apparatynda jetı negızgı lauazym iesı auysty.
