«Zaŋ men tärtıp» respublikalyq aksiiasy aiasynda Almaty qalasynda qūqyqtyq mädeniettı qalyptastyru, azamattardyŋ zaŋ talaptaryn dūrys tüsınuı men adam qūqyqtaryn qorǧau baǧytyndaǧy aqparattyq-tüsındıru jūmystary jüielı türde jalǧasyp keledı. Atalǧan bastama şeŋberınde Ädılet departamentınıŋ qyzmetkerı Şynar Äbzelbek Almaty qalasyndaǧy №72 tüzetu mekemesıne arnaiy baryp, jazasyn öteuşı azamattarmen kezdesu ötkızdı, dep habarlaidy «Adyrna» ūlttyq portaly.
Kezdesu barysynda sottalǧan azamattarǧa arnalǧan mazmūndy ärı jan-jaqty därıs ūiymdastyrylyp, adam qūqyqtaryn saqtau, qūqyqtyq jauapkerşılıktıŋ mänı, zaŋ talaptaryn oryndaudyŋ maŋyzdylyǧy jäne qūqyqtyq mädeniettı qalyptastyru mäselelerı keŋınen tüsındırıldı. Därıs barysynda qoǧamdaǧy zaŋ üstemdıgı qaǧidaty, qūqyq pen mındettıŋ özara bailanysy, sondai-aq azamattardyŋ qūqyqtyq sauattylyǧyn arttyrudyŋ maŋyzyna erekşe nazar audaryldy.
Leksiia aiasynda Qazaqstan Respublikasynyŋ Konstitusiiasynda bekıtılgen negızgı qūqyqtar men bostandyqtar, olardyŋ ıske asu tetıkterı men qūqyqtyq qorǧaluy, sondai-aq adam qūqyqtaryn qorǧauǧa baǧyttalǧan ūlttyq jäne halyqaralyq qūqyqtyq normalardyŋ mazmūny egjei-tegjeilı baiandaldy. Sonymen qatar halyqaralyq adam qūqyqtary standarttarynyŋ negızgı qaǧidattary men olardyŋ otandyq zaŋnamada qoldanylu erekşelıkterı de tüsındırıldı.
Is-şara barysynda adam qūqyqtaryn būzudyŋ aldyn alu, zaŋ normalaryn dūrys ärı tiımdı qoldanu, qūqyqtyq sauattylyq deŋgeiın köteru arqyly qūqyqbūzuşylyqtardyŋ aldyn alu joldary naqty praktikalyq mysaldar arqyly jetkızıldı. Tyŋdauşylar özderın tolǧandyrǧan saualdaryn qoiyp, qūqyqtyq retteu salasyndaǧy özektı mäseleler boiynşa bılıktı keŋester aldy.
Mūndai kezdesuler jazasyn öteuşılerdıŋ qūqyqtyq mädenietın arttyrumen qatar, olardyŋ qoǧamǧa qaita beiımdeluıne, zaŋ talaptaryn saqtauǧa degen sanaly közqarasyn qalyptastyruǧa jäne zaŋ üstemdıgın nyǧaituǧa oŋ äserın tigızedı. Qūqyqtyq tüsındıru jūmystary tüzeu mekemelerındegı tärbielık şaralardyŋ maŋyzdy bölıgı bolyp sanalady.
Ädılet departamentı Almaty qalasynda aldaǧy uaqytta da azamattardyŋ qūqyqtyq sanasyn arttyru, adam qūqyqtaryn qorǧau jäne qūqyqtyq mädeniettı nyǧaitu baǧytyndaǧy ıs-şaralardy jüielı türde jalǧastyrudy josparlap otyr.
