Änşı, QR halyq ärtısı Maqpal Jünısova öz ömırınen syr şerttı, dep habarlaidy "Adyrna" ūlttyq portaly Turkystan.kz-ke sıltep.
Öner iesı jurnalist Dina Tölepbergennıŋ baǧdarlamasyna sūhbat berıp, Zamanbek Nūrqadılov turaly taǧy bır aqparatty aitty.
“Men ol kısınıŋ esıgın qaǧyp, bosaǧasyna baryp “Menı alşy” dep jalynǧan emespın. Tıptı ol kısıge ǧaşyq ta bolmaǧanmyn. Jaqsy da körgen joqpyn. Zäkeŋ özı degenın jasap, qalauyn oryndady. “Şeşeŋ berse de, bermese de alamyn” dedı. Qolynda bilıgı boldy. Ainalasynda bız qorqatyn adamdar boldy. Alǧaş kezde bız ol kısıden qoryqtyq. Keiın baryp, syilastyq ornady. Al Zäkeŋ ornynan tüsıp qalǧanda, men de ketıp qalsam, halyq şulaityn edı. “Bastyq bolǧanda qatyny bolyp edı, bilıkten ketkende Maqpal da ketıp qaldy” dep sögetın edı. Qiyn sätte janynda qaldym. Ekeumız de äkesız östık. Ol da men siiaqty qaiyrşy bolatyn. Bilık te qoldan kettı. Bailyǧy da bolmady. Ol jaqpen öştesetındei jalǧyz Zäkeŋ emes ekı qatyn alǧan. 10 qatyn da alyp jatqandar bar. 1991 jyly şaŋyraq köterdık, 1998 jyly zaŋdy nekege tūrdyq. Keide aşulanyp kelgende, “Ūrpaqtaryŋyz bar, baryŋyz sol jaqqa” dep aitamyn. “Joq, qaitpaimyn” deitın. Men ol kısınıŋ jolyn bailaǧan joqpyn”, – dedı halyq ärtısı.
Ūqsas jaŋalyqtar
