Būl turaly Oqu-aǧartu ministrı Ashat Aimaǧambetov mälımdedı, dep habarlaidy «Adyrna» tılşısı.
«Memleket basşysy äleumettık osal otbasylardan şyqqan balalardy qoldau jäne bılım berudıŋ inkliuzivtılıgın damytu jönınde tapsyrma berdı. Osy tapsyrma aiasynda tiıstı būiryqqa qol qoidym. Būl qūjat äleumettık osal otbasylardan şyqqan balalarǧa mamandandyrylǧan mektepterge tüsu üşın 15 paiyz kvota aluǧa mümkındık beredı. Iаǧni endı osyndai otbasylardan şyqqan 1500-ǧa deiın bala jaŋa kvota boiynşa «BİL», «Daryn» jäne t.b. mektepterge oquǧa tüse alady»,—dedı vedomstvo basşysy.Aituynşa, jaŋa būiryqtyŋ arqasynda äleumettık osal otbasylardan şyqqan balalar osyndai mamandandyrylǧan mektepterge qabyldanǧan.
«Tūrmysy tömen bolǧandyqtan qosymşa bılım aluǧa mümkındıgı joq balalar üşın osyndai mektepterde oquǧa mümkındık beru olardyŋ bolaşaqtaǧy jetıstıkterıne oŋ äser etetınıne senım bar. Būǧan deiın Ūlttyq qoǧamdyq senım keŋesınıŋ ūsynystary aiasynda kolledjder men joǧary oqu oryndaryna tüsuge osyǧan ūqsas kvotalardy engızgen bolatynbyz. Sol şeşımnıŋ arqasynda myŋdaǧan balalar oquǧa tüstı. Bız jas daryndarǧa da, özın älı körsete almaǧandarǧa da teŋ jaǧdai jasauymyz kerek. Al ūstazdarymyz ozat balalarǧa da, oquda ülgerımı naşar bolsa da, qoldau men jyly sözge mūqtaj balalarǧa da meiırımmen qaraidy dep ümıttenemın»,—dep sözın tolyqtyrdy ol.
Ūqsas jaŋalyqtar
