“Ýralsk emes,Oral!”: Aımaǵambetov qazaq tiliniń qoldanys aıasyna ulǵaıtý qajettigin aıtty

4801
Adyrna.kz Telegram

Parlament senaty kórneki aqparat jáne dinı qyzmet máseleleri týraly zań jobasyn eki oqylymda qarady. 

Bilim jáne ǵylym mınıstri Ashat Aıǵamabetovtiń aıtýynsha, zań jobasynyń negizgi maqsaty – derektemeler men kórneki aqparat mátinderin orfografııa normalaryna saı jáne mátinderdiń túpnusqasyna sáıkestigin saqtaý arqyly qatesiz jazý, dep habarlaıdy “Adyrna” ulttyq portaly Sputnik.kz saıtyna silteme jasap.

Jobada eldegi ákimshilik-aýmaqtyq birlikterdiń, fızıka-geografııalyq obektilerdiń ataýyn jazýǵa qatysty normalar qarastyryldy. Alaıda orys nemese basqa tilderde atalatyn eldi mekenderdiń ataýlary ózgermeıdi, sol kúıinde jazylady.

“Mysaly, Mıchýrıno aýyly sol kúıi qalady, qazirgideı Mıchýrın aýyly dep ózgertilmeıdi. Andreevka aýyly Andreev dep jazylmaıdy. Monastyrskaıa kóshesi Monastyr kóshesi dep aýdarylyp júr, endi ol Monastyrskaıa dep ózgerissiz qalady.

Máselen, Aqqýly degen aýyl bolsa, ony Lebıaje dep aýdarmaı, sol kúıi Aqqýly dep jazamyz. Oral qalasy “Ýralsk” emes, Oral qalasy retinde túpnusqamen jazylady”, – dedi Aımaǵambetov.

Sondaı-aq, onyń aıtýynsha, jol belgileri de, Qazaqstan ratıfıkaııalaǵan halyqaralyq sharttarda ózgeshe kózdelmegen jaǵdaıda memlekettik tilde ǵana jazylady.

“Mysaly, Qyzylordadaǵy kishigirim aýylda aınalma jol degen belgi tursa, qoldanystaǵy zań boıynsha ony mindetti túrde “aınalma jol”, “obezd” dep jazý kerek. Endi halyqaralyq jol bolmasa, týrıster kelmese, tek qana qazaqtar turatyn shaǵyn aýylda tek bir tilde jazýǵa múmkindik berilip otyr. Al eger halyqaralyq jol bolsa, onda basqa tilderde jazý múmkindigi qalady”, – dep túsindirdi vedomstvo basshysy.

Budan bólek, memlekettik emes uıymdardyń blankileri men mańdaıshalary memlekettik tilde jazylady. Qajet bolǵan kezde basqa tilderde jazýǵa múmkindik beriledi.

Mundaı norma habarlandyrý, jarnama, preskýranttar, baǵa kórsetkishteri, as mázirleri, basqa da kórneki aqparattarǵa qatysty.

“Zań jobasynda engizilgen ózgerister memlekettik tildiń qoldanys aıasyn keńeıtýge jáne kórneki aqparattarǵa qatysty qatelerdi boldyrmaýǵa, ony aldyn alýǵa septigin tıgizedi dep oılaımyz”, – dedi Aımaǵambetov.

Parlament senaty zań jobasyna kórneki aqparatqa qatysty engizilgen túzetýlerdi maquldady. Alaıda qujattyń dinı qyzmetke arnalǵan bóligine birqatar ózgeris engizip, zań jobasyn májiliske keri qaıtardy.

“Adyrna” ulttyq portaly

Pikirler