Mektep oqýshylary qazaq tiliniń aıasyn keńeıtý maqsatynda jańa qondyrǵy oılap tapty

2788
Adyrna.kz Telegram

Aqtaý qalasyndaǵy Nazarbaev Zııatkerlik mektebiniń oqýshylary Ahmet Qýantqan men Rashıd Tashır Alash aforızmderi ornatylǵan uıaly telefondy qýattaıtyn «AforBot» jobasyn oılap tapty.

Jobanyń maqsaty - Alash aforızmderi qondyrǵysyn ornatý arqyly kez-kelgen ortada uıaly telefondy qýattaý arqyly qazaq aforızmderine degen suranys pen táýeldilikti arttyra otyryp, jalpy halyqtyń sóıleý mánerin, til baılyǵyn, sózdik qoryn damytý, qazaq tiliniń aıasyn keńeıtý. Qazaq halqynyń qanatty sózderin kúndelikti ómirde qoldaný arqyly jastardy kórkem sóıleýge tárbıeleý.

-Alash zııalylarynyń saıası jáne rýhanı kúresindegi negizgi maqsat, orasan mindet, ol ultymyzdy uıystyrý, sol arqyly eldigimizdi aıqyndaý desek, onda osyndaı ulanǵaıyr saýapty istiń aıasynda ana tilimizdi saqtaý máselesi turdy. Alash qaıratkerleriniń izin jalǵaý, ana tilimizdiń jańa deńgeıge shyǵýyna at salysý bizdiń mindet. Sol sebepti de osy jobany daıyndadyq. Ǵylymı jobanyń basty maqsaty - Alash zııalylaryn qoǵamda nasıhattaý, olardyń ulaǵatty sózderin ult jastary bilse eken degen nıet,- deıdi joba avtory Rashıd Tashır

Almaty qalasynda ótken «Nazarbaev Zııatkerlik mektepteri» derbes bilim berý uıymy fılıaldarynyń oqýshylary arasynda jalpy bilim beretin pánderden jelilik ǵylymı jobalar baıqaýynda «AforBot» jobasy úzdik dep tanylyp, birinshi oryndy ıelendi. Sondaı aq  Zııatkerlik mektep oqýshylary  Ulttyq zııatkerlik menshik ınstıtýtynyń sheshimine sáıkes «Aforbot» qondyrǵysyna avtorlyq quqyq alǵan bolatyn.

-  Uıaly telefon qýattaıtyn «AforBot» qurylǵysyn qoǵamdyq oryndarda, ashyq alańdarda, parkterde, avtobýs beketterinde qoıýjosparda. Dál qazir osy jobany júzege asyrý maqsatynda avtorlyq quqyqqa ıe boldyq,- deıdi Ahmet Qýantqan.

-​Ult ustazy Ahmet Baıtursynuly «Óz tilimen sóılesken, óz tilimen jazǵan jurttyń ulttyǵy esh ýaqytta, adamy qurymaı, joǵalmaıdy» demekshi, bul jobanyń qazaq tiliniń mártebesin arttyryp, ádebı sóıleýge baǵyttar qadam bolary sózsiz,-deıdi joba jetekshisi, qazaq tili páni muǵalimi Arý Qorǵanbaev

Oqýshylar atalǵan jobalary úshin Ahmet pen Rashıd  Respýblıka kúnine oraı «Aq Jol» Qazaqstan demokratııalyq partııasy atynan eline minsiz qyzmet etken Alash arysy, ustaz Perýash Kárimuly qurmetine shyǵarylǵan «Alash qurbandaryna taǵzym» atty tósbelgisimen marapattaldy.

Pikirler