Memleket basşysynyŋ tapsyrmasyna säikes 2025 jyldyŋ soŋyna deiın Kerbūlaqtan Taldyqorǧanǧa deiın barlyq eldı mekender gazben qamtylady

Memleket basşysynyŋ tapsyrmasyna säikes 2025 jyldyŋ soŋyna deiın Kerbūlaqtan Taldyqorǧanǧa deiın barlyq eldı mekender gazben qamtylady Memleket basşysy Qasym Jomart Toqaev Jetısu öŋırıne jūmys sapary barysynda öŋırdıŋ su men gaz mäselesıne erekşe nazar audarǧan bolatyn. 2025 jyldyŋ soŋyna deiın Kerbūlaq audanynan Taldyqorǧan qalasyna deiıngı barlyq eldı mekender, al 2028 jylǧa deiın Aqsu, Sarqan, Alaköl audandaryn tabiǧi gazben qamtamasyz etu tapsyryldy. Osy jobalardy ıske asyru nätijesınde öŋırdı gazdandyru 100% nemese 192 eldı mekenge deiın jetedı. Bügıngı künı būl jūmys qolǧa alynyp, tiıstı şaralar jüzege asyryluda. Osy jäne oblys tūrǧyndaryn qatty otynmen qamtamasyz etu, sumen jabdyqtau mäselelerı jaiynda oblystyq energetika jäne tūrǧyn üi kommunaldyq şaruaşylyq basqarmasynyŋ basşysy Ernat Bäzıl öŋırlık kommunikasiialar alaŋynda ötken brifingte baiandady. «Öŋırde gaz beru jūmystary da belsendı jürgızılude. Bügıngı künnıŋ özınde jürgızılgen jūmystar nätijesınde Köksu audanynyŋ Mūqry, Besqainar, Amangeldı auyldary, Eskeldı audanynyŋ Orkusak auyly, Taldyqorǧan qalasynyŋ Prigorodnoe şaǧyn audany, 3 bölımşesınıŋ tūrǧyndary, jalpy eseppen 6 myŋnan astam tūrǧyn tabiǧi gazǧa qol jetkızdı. Qazırgı uaqytta Eskeldı, Köksu, Kerbūlaq, Qaratal audandaryn tolyq gazdandyru üşın 43 eldı meken boiynşa jobalau-ızdestıru jūmystaryna esep jasalyp, qarajat bölu üşın biudjettık ötınım berıldı. Qūrylys-montajdau jūmystary 2025 jylǧa deiın jüzege asyrylady. Al, Aqsu, Sarqan jäne Alaköl audandarynyŋ eldı mekenderın gazdandyru üşın «Qapal», «Jansügırov», «Sarqan», «Qoilyq», «Qabanbai» jäne «Üşaral» gaz tasymaldau stansasy men «Taldyqorǧan-Üşaral» magistraldyq gaz qūbyrynyŋ qūrylysy» jobalyq-smetalyq qūjattamasy äzırlenude», - deidı Ernat Düisenbekūly. «Jylytu mausymyna kelsek, būl baǧyttaǧy jūmystar ştattyq rejimde jürgızılude. Bügıngı künı qoimalar men tūiyqtarda 14,4 myŋ tonna kömır qory bar. Kömır jetkızu bızdıŋ tarapymyzdan tūraqty baqylauda, täulıgıne orta eseppen 27 vagon kelıp tüsude. Baǧasyna kelsek, bır tonna kömırdıŋ qūny 14 800 – 15 500 teŋgenı qūraidy» - deidı spiker. Öŋır tūrǧyndarynyŋ taǧy bır özektı mäselesınıŋ bırı – su. Bügıngı künı oblystyŋ 90,2% eldı mekenı ortalyqtandyrylǧan sumen qamtamasyz etılgen. Memleket basşysynyŋ tapsyrmasyna säikes 2025 jyly oblystyŋ barlyq eldı mekenderın 100 paiyz auyz sumen qamtu josparlanǧan. Biyl «Tekelı qalasynda qoldanystaǧy ūŋǧymalardan sumen jabdyqtau injenerlık jelılerınıŋ qūrylysyn jürgızu» jobasy ıske asyryluda. Jobaǧa 2022 jylǧa jergılıktı biudjetten 100 mln. teŋge bölındı.