Memleket basşysy Qasym-Jomart Toqaevtyŋ Jarlyǧymen bekıtılgen halyqpen kezdesudıŋ jaŋa formatyna säikes, Almaty qalasynyŋ äkımı Erbolat Dosaev Almaly audanynyŋ tūrǧyndarymen kezdesu ötkızdı, dep habarlaidy «Adyrna» tılşısı.
Prezident jarlyǧynyŋ şeŋberınde şahar basşysy 8 audannyŋ ärqaisysynyŋ tūrǧyndarymen toqsanyna bır kezdesu ötkızuı tiıs. Osynyŋ aiasynda Erbolat Dosaevtyŋ halyqpen kezdesuı Almaly audanynda jalǧasyn tapty.
Qala basşysy audannyŋ damuy jäne tūrǧyndardan tüsken ūsynystar boiynşa atqarylǧan jūmystar turaly aityp berdı. Kezdesuge 250-den astam adam keldı.
Audanda kommunaldyq infraqūrylymdy jaŋǧyrtu özektı mäsele bolyp qala beredı. Audandy tūraqty elektrmen jabdyqtaudy qamtamasyz etu üşın 58,5 km elektr jelılerı auystyryldy, 10 taratu jäne 50 transformatorlyq qosalqy stansiialar jaŋǧyrtyldy. 2023 jyly audannyŋ 97,5 km jelılerı, 3 taratu jäne 145 transformatorlyq qosalqy stansiialary qaita jaŋartylady. Sondai-aq, audanda ūzyndyǧy tiısınşe 437 metr jäne 415 metr su qūbyry jäne jylu jelılerı rekonstruksiialanady.
Qala äkımı Erbolat Dosaevtyŋ aituynşa, audandaǧy joldardyŋ paidalanu sipattamalaryn jaqsartu üşın jalpy ūzyndyǧy 13 km 16 köşege ortaşa jöndeu jürgızıldı, 15 qaraşaǧa deiın 2 köşede taǧy 1155 metr jol tösemı jöndeledı.
Oquşy oryndarynyŋ tapşylyǧyn tömendetu üşın aǧymdaǧy jyldyŋ basynda ekı mekteptıŋ janyndaǧy 850 oryndy 2 qosalqy nysan ıske qosyldy. Sonymen qatar, 10 qaraşada 850 oryndy jeke gimnaziia aşylady. 2023 jyly 3 mekteptı kürdelı jöndeu qarastyrylǧan.
Mektepke deiıngı ūiymdardaǧy oryn tapşylyǧyn qysqartu maqsatynda jyl basynan berı Almaly audanynda 225 oryndy 5 jekemenşık balabaqşa aşyldy. Jūmys ıstep tūrǧan №43 balabaqşa ǧimaratynyŋ bır bölıgın satyp alu esebınen 75 qosymşa oryn qamtamasyz etıldı. №7 mektepke deiıngı mekemenı seismikalyq küşeitu aiaqtaldy. 2023 jyly ekı balabaqşany kürdelı jöndeu josparlanǧan.
Medisinalyq qyzmet körsetudıŋ, äsırese aǧa buyn ökılderınıŋ osy qyzmetke qadamdyq qoljetımdılıgın qamtamasyz etu üşın ŪOS qalalyq emhanasynyŋ ǧimaratyn kürdelı jöndeuge jäne 500 keluşıge arnalǧan jaŋa emhana saluǧa daiyndyq jürgızılude. Ekı densaulyq saqtau mekemesınde de jūmys 2023 jylǧa josparlanǧan.
Audanda qatty jauyn-şaşyn kezınde su basu mäselesı özektı bolyp qaluda. TJ jelısı boiynşa 12 uchaskenı joiu jūmystary jürgızılude. 4 uchaske boiynşa jūmystar aiaqtaldy. Jyl soŋyna deiın Maqataev köşesınıŋ boiynda jalpy ūzyndyǧy 3,6 km kollektor qalpyna keltırıledı, qosymşa 2,3 km jaŋa aryq jelılerı jäne Raiymbek daŋǧyly boiyna 1,6 km kanal salynady. Qaraşa aiynda 52 uchaskede 34 km aryq jelısın qaita qūru jäne salu bastalady. Jūmystardy 2024 jyldyŋ soŋyna deiın aiaqtau josparlanuda.
Qalanyŋ tarihi ortalyǧy retınde audan tūrǧyndary üşın özektı mäsele şaǧynqabatty üiler men jasyl qordy saqtau bolyp tabylady. Biylǧy jyly 40 şaǧynqabatty üilerdıŋ qasbetterı jöndeldı, 15 qaraşaǧa deiın qalǧan 4 qasbetı jöndeledı. Jasyl qordy jasartu jäne jaŋartu baǧdarlamasy aiasynda 5400 aǧaşqa sanitarlyq kesu jürgızıldı, jalpy paidalanu oryndaryndaǧy apatty aǧaştardyŋ 660 dıŋı kesıldı. Qaraşa aiynyŋ soŋyna deiın kesılgen aǧaştardyŋ ornyna 2500 jas aǧaş otyrǧyzylady.
Sondai-aq, qala äkımı Erbolat Dosaev audannyŋ qoǧamdyq qauıpsızdıgın qamtamasyz etu şaralary turaly da habardar ettı. Mäselen, jyl soŋyna deiın 541 beinekamera ornatylady. Qoldanystaǧylarǧa qosymşa 400 kameraǧa 38 «Sergek» AÖK ornatylady. Jalpy, jūmys aiaqtalǧannan keiın beinebaqylau kameralarynyŋ jalpy sany 1469 bırlıktı qūraityn bolady.
«Halyq qatysatyn biudjet» baǧdarlamasy boiynşa audanda 800 mln teŋgege 39 joba ıske asyryldy. Iаǧni, 2 gülzar, 8 qoǧamdyq oryn jäne 21 aula abattandyryldy.
Almaty äkımımen kezdesu barysynda tūrǧyndar joldardy jöndeu, kärız jäne elektr jelılerın abattandyru jäne t.b. mäselelerdı köterdı.
Ūqsas jaŋalyqtar
