Ukraina prezidentı Vladimir Zelenskii Resei basşysy Vladimir Putinnıŋ Mäskeude kezdesuge qatysty mälımdemesıne pıkır bıldırdı. Būl taqyrypty Zelenskii Fransiia prezidentı Emmanuel Makronmen bırge Parijde ötkızgen bırlesken baspasöz konferensiiasynda qozǧady, dep habarlaidy “Adyrna”.
«Menıŋşe, menı Mäskeuge şaqyrǧanyna qaraǧanda kezdesudı qalamaidy. Resei kezdesudı aita bastady – būl jaman emes. Bıraq bız olardyŋ soǧysty toqtatuǧa degen nietın äzırge körıp otyrǧan joqpyz», — dep keltıredı Zelenskiidıŋ sözın BBC-News.
Būǧan deiın Putin Qytaiǧa sapary barysynda Zelenskiimen Mäskeude kezdesuı mümkın ekenın aitqan bolatyn. Alaida ol mūndai dialogtyŋ qajet ekenıne kümän bıldırıp, Ukraina basşysynyŋ zaŋdylyǧyna (legitimdıgıne) taǧy da kümän keltırdı.
Sondai-aq Resei prezidentı mūndai kezdesu turaly ötınış Aq üi basşysy Donald Tramptan tüskenın rastady. BAQ derekterıne qaraǧanda, būl sūhbat Vaşingtonda Ukraina men Europa elderınıŋ qatysuymen ötken sammitte bolǧan.
Keiın AQŞ prezidentı Donald Tramp jurnalisterge bergen sūhbatynda Putin men Zelenskii äzırge qaqtyǧysty retteu boiynşa kelıssözder ötkızuge daiyn emes ekenın aitty.
Sonymen qatar, Tramp Zelenskiimen jäne däl sol uaqytta Parijde jinalǧan europalyq köşbasşylarmen telefon arqyly söilesken. Olar «qalauşylar koalisiiasy» kezdesuıne qatysyp jatqan bolatyn.
Kezdesuden keiıngı baspasöz mäslihatynda Makron 26 eldıŋ Ukraina aumaǧyna öz küşterın jıberuge daiyn ekenın aitty — bıraq tek oq atudy toqtatu turaly kelısım jasalǧan jaǧdaida ǧana.
"Resei aspanyn belgısız äskeri ūşaqtar torydy" - Şūǧyl türde Sankt-Peterbordyŋ äue keŋıstıgı jabyldy
