Taraz qalasynyŋ №2 soty aldyn ala söz bailasqan adamdar toby jasaǧan qorqytyp alu deregı boiynşa üş aiyptaluşyǧa qatysty ükım şyǧardy. Būl turaly Jambyl oblystyq sotynyŋ baspasöz qyzmetı mälımdedı, dep habarlaidy “Adyrna”.
Sot materialdaryna säikes, oqiǧa 2025 jyldyŋ aqpan aiynda bolǧan. Aiyptaluşylar J., A. jäne K. jäbırlenuşı B.-dan 2,5 million teŋge talap etken. Olar būl somany J.-nyŋ Facebook äleumettık jelısındegı paraqşasynda jariialanǧan jazbalardy joiu üşın sūraǧan.
Atalǧan jazbalarda jäbırlenuşı direktor bolyp sanalatyn sport keşenı ǧimaratynyŋ kemşılıkterı körsetılgen. Sonymen qatar, aiyptaluşylar aldaǧy uaqytta mūndai aqparat taratpau üşın A. esımdı äieldı jūmysqa qaita qabyldaudy jäne komplaens qyzmetınıŋ qyzmetkerı G.-ny jūmystan şyǧarudy talap etken.
Jäbırlenuşı B. qoiylǧan talaptarǧa kelısıp, sottaluşy K.-ǧa 2,5 million teŋge men ekı dana jyldyq abonement bergen.
Sot ükımımen üş aiyptaluşy da Qylmystyq kodekstıŋ 194-baby 2-bölıgınıŋ 2-tarmaǧy boiynşa kınälı dep tanyldy. J.-ǧa üş jylǧa bas bostandyǧynan aiyru jazasy taǧaiyndaldy. Al A. men K.-ǧa üş jyl merzımge bas bostandyǧyn şekteu jazasy belgılendı.
Ükım äzırge zaŋdy küşıne engen joq.
