Twitter kompaniiasynyŋ iesı bolǧannan keiın İlon Mask kadr saiasatyn qaita qarauǧa şeşım qabyldady. Ol qyzmetkerlerdıŋ jartysyna juyǧyn jūmystan şyǧarudy josparlap otyr. Būl turaly Bloomberg jariialady, dep habarlaidy “Adyrna” ūlttyq portaly.
Agenttık sūhbattastarynyŋ aituynşa, 7,5 myŋ jūmysşynyŋ 3,7 myŋǧa juyǧy qysqartylatyn bolady. Būl rette ştatta qalǧan qyzmetkerlerge qaşyqtan jūmys ısteuge tyiym salynady. Būl şaralar şyǧyndardy azaituǧa baǧyttalǧan.
Mask būǧan deiın öz akkauntynda “jarnama beruşıler söz bostandyǧyn nemese saiasi dūrystyqty qoldau kerek pe?” degen saualnama jariialaǧan bolatyn. Dauys bergenderdıŋ basym bölıgı bırınşı nūsqany taŋdady.
Aita keteiık, İlon Mask Twitter-dı satyp alu kelısımın 27 qazanda aiaqtady. Kelısımşart somasy 44 milliard dollardy qūrady. Käsıpkerdıŋ özı satyp alu şeşımın adamzatqa kömektesu nietımen tüsındırdı. Ol örkeniet üşın salauatty atmosferada ärtürlı pıkırlerdı talqylauǧa bolatyn bır sifrlyq platformanyŋ boluy maŋyzdy dep sanaitynyn atap öttı.
