12 qyrkúıek kúni «Polaris Dawn» mıssııasynyń ekıpajy tuńǵysh ret ǵaryshker emes adamdy kosmosqa shyǵardy. Bul týraly Ilon Maskqa tıesili SpaceX mıssııasyn uıymdastyrýshy kompanııa óziniń X áleýmettik jelisindegi akkaýntynda jarııalady, dep habarlaıdy “Adyrna” ulttyq portaly.
Polaris Dawn komandasy shamamen 700 shaqyrym bıiktikte jumys istedi. Tarıhta ǵaryshqa saıahat jasaǵan alǵashqy kásibı emes astronavt mıllıarder Djared Isaakman boldy. Ol mıssııa dırektory jáne Polaris baǵdarlamasyna ınvestorlardyń biri.
«Úıde bizde kóp jumys bar, biraq osy jerden Jer tamasha álemge uqsaıdy», - dedi ol.
Isaakmannan keıin ǵaryshqa SpaceX astronavttaryn daıyndaý jónindegi maman Sara Gıllıs keldi. Keıin olar ǵarysh kemelerine aman-esen oraldy.
Atap aıtqanda, mıssııa ekıpajy SpaceX kompanııasynyń jańa Extravehicular Activity (EVA) skafandrlaryn synaýǵa májbúr boldy. Olardy kompanııanyń Aı men Marsqa mıssııalarynda qoldanýǵa bolady dep boljanýda. Atap ótilgendeı, EVA astronavttarǵa aldyńǵy úlgilerge qaraǵanda yńǵaıly, onyń dýlyǵasynda kiriktirilgen dıspleı men kamera bar.
Birneshe kidiristerden keıin bortynda Crew Dragon kapsýlasy men kásibı emes ekıpajy bar Falcon 9 zymyran tasyǵyshy 10 qyrkúıekte Florıda shtatyndaǵy Kanaveraldan ushty. Onyń eki satysy da jospar boıynsha tez arada bólinip shyqty.
Ǵarysh kemesiniń bortynda Djared Isaakman men Sara Gıllısten basqa AQSh Áýe kúshteriniń otstavkadaǵy podpolkovnıgi Skott Potıt pen SpaceX ǵaryshtyq operaııalar jónindegi jetekshi ınjeneri Anna Menon bar.
Aıta ketsek, halyqaralyq ǵarysh stanııasy shamamen 400 km bıiktikte.
