Almaty oblysy Qyzyltu auylynyŋ oquşylary synyp kabinetterınıŋ tapşylyǧynan sabaqty akt zalynda oquǧa mäjbür, dep habarlaidy “Adyrna” ūlttyq portaly.
Astana telearnasynyŋ mälımetınşe, 788 oryndyq mektepte 2000-ǧa juyq bala bılım alyp jatyr. Qyzyltudaǧy jalǧyz mektepke körşı auyldardan da balalar aǧylyp keledı. Bıraq olardy tasityn arnaiy avtobus joq. Al qalamen ekı ortaǧa qatynaityn jalǧyz qoǧamdyq kölık jürgızuşılerı oquşylardy "syimaisyŋ" dep, mıngızbeidı eken.
“Avtobustardyŋ keibıreulerı toqtamai ketıp qalatyny bar. Avtobus öte qazır jiı jürmeitın bolyp kettı. Alys aralary, öte alys. İmenno balalarǧa toqtamaidy. Qanşama bala bar. Oquşylar är jaqtan osy mektepke kelıp oqidy”, – deidı Qyzyltu auylynyŋ tūrǧyny Toǧjan Mūqaşqyzy.
Mektep äkımşılıgı bılım ordasyna oquşylardyŋ syimai jatqanyn moiyndady. Synyp kabinetterınıŋ tapşylyǧynan balalar sabaqty akt zalynda oquǧa mäjbür. Keibır pänder onlain ötedı. Sebebı, körşı auyldaǧy mektepte jöndeu jūmystary jürıp jatqan körınedı. Sondyqtan, ondaǧy 600 oquşy qazır Qyzyltu auylyna qatynap jür. Al jöndeu jūmystary qaşan aiaqtalary belgısız.
“Mekteptıŋ syiymdylyǧy - 788 oryndyq. Bıraq qazırgı taŋda 2000-ǧa juyq bala oqyp jatyr. Biylǧy oqu jylynan bastap Güldala okrugınde 21 mektep kürdelı jöndeuden ötıp jatyr. Sol mekteptıŋ 600 balasy bızdıŋ mektepke kelıp oqidy", – deidı № 24 orta mektebı direktorynyŋ orynbasary Şaizat Qalyqova.
Äkımdıktegılerdıŋ sözınşe, 2023 jyly auylda jaŋa mekteptıŋ qūrylysy bastalady. Avtobus mäselesı de oqu jylynyŋ ekınşı toqsanynda şeşıletının aitty.
“Mektep turaly bızde 2 de 42 jer uchaskesı daiyndalyp, sol jerge PSD öttı. Ekspertizadan öttı. Barlyǧy daiyn. 600 oryndyq mektep salynady. Podvoz boiynşa 19 qazan künı portalǧa zaiavka berıldı konkurs boiynşa. Bala sanyna bailanysty zaiavka berdık", – dedı Panfilov auyldyq okrugı äkımınıŋ orynbasary Säule Myqtybaeva.
