Mädeniet jäne aqparat ministrı Aida Balaeva Kolumbiiada ötken 56-şy halyqaralyq fizika olimpiadasynda (IPhO) tarihi jetıstıkke qol jetkızgen qazaqstandyq oquşylardy qūttyqtady, dep habarlaidy "Adyrna" ūlttyq portaly.
Ministrdıŋ aituynşa, ūlttyq qūramanyŋ bes müşesı de altyn medal jeŋıp, Qazaqstan tarihynda tūŋǧyş ret halyqaralyq fizika olimpiadasyndaǧy barlyq mümkın bolǧan bes altyn jüldenı ielendı.
«Būl jeŋıs – elımızde bılım beru jüiesın damytu, daryndy balalardy qoldau jäne olardyŋ qabıletın şyŋdauǧa baǧyttalǧan keşendı jūmystyŋ jarqyn körınısı», – dep jazdy Aida Balaeva äleumettık jelıdegı paraqşasynda.
Ministr Memleket basşysy Qasym-Jomart Toqaevtyŋ bılım men ǧylymdy damytuǧa, talantty jastardy qoldauǧa erekşe köŋıl bölıp kele jatqanyn atap ötıp, bügıngı tarihi nätije osy baǧyttaǧy jüielı jūmystyŋ jemısı ekenın jetkızdı.
Biylǧy olimpiadaǧa älemnıŋ 85 elınen 381 oquşy qatysty. Qazaqstan IPhO olimpiadasyna 1997 jyldan berı qatysyp keledı. Osy uaqyt ışınde alǧaş ret ūlttyq qūrama barlyq bes altyn medaldı tolyq ielendı.
Altyn medal iegerlerı – Nūrgül Egenbergenova, Ämırbek Azatbekov, Iliias Qazymbek, Roman Cheremnov jäne Damir Qūrman.
Aida Balaeva oquşylardyŋ būl jetıstıkke jetu jolynda bırneşe jyl boiy tynymsyz eŋbek etkenın atap ötıp, olardyŋ ata-analaryna, ūstazdary men bapkerlerıne alǧys bıldırdı. Sondai-aq qūrama daiyndyǧyna jetekşılık etken Güliia Nūrbaqovaǧa, Samat Maqsūtovqa, Älışer Erkebaevqa jäne barlyq pedagogterge rizaşylyǧyn jetkızdı.
