قىتايلىق قازاق قىزى، بەلگىلى ونەر جۇلدىزى ريزا الىمجانقىزى قىتايداعى ەڭ جوعارى مەملەكەتتىك سىيلىققا يە بولدى، دەپ حابارلايدى “ادىرنا” ۇلتتىق پورتالى.
قازاقپاراتتىڭ مالىمەتىنشە، بيىل 33-رەت ۇلەستىرىلىپ وتىرعان Flying Apsaras سىيلىعى – قىتايدىڭ تەلەونەر سالاسىنداعى ەڭ جوعارى مەملەكەتتىك ماراپاتى. ريزا الىمجانقىزى «Minning Town» تەلەحيكاياسىنداعى ءرولى ءۇشىن «ۇزدىك اكتريسا» نوميناتسياسىنىڭ يەگەرى اتاندى.
«Minning Town» تەلەحيكاياسى وتكەن جىلى قاڭتار ايىندا قىتايداعى كورەرمەنى ەڭ كوپ بەس تەلەارنادا قاتار كورسەتىلىپ، جۇرت وتە جوعارى باعالاعان ەدى. وعان قىتايدىڭ نينسيا دۇنگەن اۆتونوميالىق رەگيونىنىڭ سيحايگۋ ايماعىنداعى اۋىل تۇرعىندارىنىڭ كەدەيلىكپەن كۇرەسى ارقاۋ بولادى. تەلەحيكايادا ريزا قازىمىر اكەنىڭ قاتال ۇكىمىنە كونبەي، تاعدىرىن ءوز قولىنا العان قايسار قىز لي شۋيحۋانىڭ بەينەسىن سومداپ، اكتەرلىك شەبەرلىگىمەن كورەرمەندەردى ءتانتى ەتەدى.
1 قاراشا كەشتە بەيجىڭدەگى شوۋگان ارەناسىندا وتكەن سىيلىق يەگەرلەرىن ماراپاتتاۋ راسىمىندە ريزا الىمجانقىزى ءسوز سويلەدى.
«مەن باقىتتى جان ەكەنمىن. قازىلار القاسىنا، ەڭبەگىمدى باعالاعان كورەرمەندەرگە مىڭ العىس. وزدەرىڭىزگە انا تىلىمدە العىسىمدى بىلدىرۋگە رۇقسات ەتىڭىزدەر، راقمەت!» – دەپ اعىنان جارىلدى.
