Almaty oblysy polisiia departamentınıŋ qyzmetkerı Jasūlan Nūrasylov tüngı uaqytta bolǧan ört kezınde batyldyq tanytyp, adam ömırın aman alyp qaldy, dep habarlaidy «Adyrna» tılşısı Polisia.kz-ke sılteme jasap.
Oqiǧa tüngı saǧat şamamen 03:00-de bolǧan. Polisiia qyzmetkerı körşı üi aumaǧynan şyqqan örttı baiqap qalǧan. Aldyn ala mälımetke säikes, äuelı üidıŋ japsarlas qūrylysy örtenıp, keiın jalyn jazǧy as üige taraǧan. Sol sätte ışınde 90 jastaǧy äjei bolǧan. Artynşa ört tūrǧyn üidıŋ şatyryna jaiyla bastaǧan.
«Jaǧdaidyŋ kürdelılıgıne qaramastan, Jasūlan Nūrasylov bır sät kıdırmesten äreket etken. Ol qorşaudy būzyp kırıp, qalyŋ tütın basqan jazǧy as üiden ūiyqtap jatqan qariiany tauyp, qauıpsız jerge alyp şyqqan. Keiın üidegı özge tūrǧyndardy oiatyp, olardyŋ da der kezınde evakuasiialanuyna kömektesken. Sonymen qatar polisei ört turaly şūǧyl qyzmetterge habar berıp, ört söndıruşıler kelgenge deiın jalynnyŋ taraluyna jol bermeu üşın qoldan kelgen şaralardy jasaǧan»,–delıngen habarlamada.
Oqiǧa ornyna jetken ört söndıruşıler tılsız jaudy jedel söndırgen. Poliseidıŋ batyl ärı şapşaŋ äreketınıŋ arqasynda qaiǧyly jaǧdaidyŋ aldyn alyp, adam ömırın saqtap qaluǧa mümkındık tuǧan. Keiın anyqtalǧandai, qūtqarylǧan tūrǧyndar Jasūlan Nūrasylovtyŋ körşılerı bolǧan. Oqiǧadan keiın köşe tūrǧyndary men kuägerler oǧan alǧys bıldırıp, erlıgı men der kezınde körsetken kömegı üşın arnaiy beineündeu joldaǧan.
