Memleket basşysy Qasym-Jomart Toqaev özınıŋ Joldauynda: «Jastarǧa jan-jaqty qoldau körsetu – memleketımızdıŋ basty mındetınıŋ bırı. Eŋbekpen qamtityn türlı şaralar arqyly kelesı jyly 100 myŋ jasty jūmysqa ornalastyruymyz kerek», dep basyp aitqan edı. Bügıngı künı jer-jerde jūmyspen qamtu şaralary qarqyn alǧan, dep habarlaidy «Adyrna» tılşısı.
Almatyda jastardyŋ eŋbek naryǧyn zertteuıne jäne bır jerde bırneşe jūmys beruşılermen tıkelei bailanys ornatuǧa tamaşa mümkındık beretın bos jūmys oryndar järmeŋkesı öttı.
Järmeŋkege 160-tan astam jūmys beruşı qatysuǧa niet bıldırdı, olar öndırıs jäne qyzmet körsetu, onyŋ ışınde sauda, qoǧamdyq tamaqtanu, medisina, bılım beru salasynda 3500-den astam bos jūmys oryndaryn ūsyndy. Järmeŋkege 3000-nan astam adam kelıp, keŋes aldy, būl rette 1000-nan astam ızdenuşı jūmysqa ornalastyryldy.
Azamattardyŋ jekelegen sanattaryna: probasiia qyzmetınde esepte tūrǧan, bas bostandyǧynan aiyru oryndarynan bosatylǧan mümkındıgı şekteulı adamdarǧa, sondai-aq aliment töleu jönındegı boryşkerlerge erekşe nazar audaryldy. Ol üşın järmeŋkege azamattardyŋ osyndai sanattary üşın jūmys oryndaryn qūru boiynşa kvotalary bar jūmys beruşıler şaqyryldy.
Bos oryndar järmeŋkelerı –Jūmys beruşıler üşın järmeŋke öz kezegınde qolaily ümıtkerlerdı tabu jäne jaldau prosesın jeŋıldetedı. Is-şara jūmys beruşıler üşın de, ızdenuşıler üşın de öteusız negızde ötkızıledı.
Järmeŋkenı Almaty qalasy äkımdıgınıŋ qoldauymen jūmyspen qamtu jäne äleumettık baǧdarlamalar basqarmasynyŋ «Almaty qalasy äkımdıgınıŋ halyqty jūmyspen qamtu ortalyǧy» KMM ūiymdastyrdy.
Ūqsas jaŋalyqtar
