Qaraǧandy oblysynda jyl basynan berı 860-tan astam mügedek adam jūmyspen qamtyldy. Būl sanatty jūmysqa ornalastyruǧa kömektesu üşın barlyq tetıkter paidalanylady: bos jūmys oryndaryna joldamalardan bastap arnaiy jūmys oryndaryna deiın jäne öz ısın aşuǧa arnalǧan granttarǧa deiın. Biyl öŋırde mügedekter üşın jūmys oryndaryna kvota 291-ge deiın ūlǧaityldy. Alaida mümkındıkter äldeqaida köp dep esepteidı oblys äkımı Ermaǧanbet Bölekpaev.
Aimaq basşysy mümkındıgı şekteulı jandardy jūmysqa ornalastyru jaǧdaiyn jeke baqylauynda ūstaidy. Kezektı keŋeste ol jūmysty, onyŋ ışınde biznespen jūmysty küşeitu mındetın qoidy.
– Būl mäselemen belsendı türde ainalysyp, täsılderdı qaita qarau qajet. Bızde jaŋa käsıporyndar aşyluda, onda da mügedektıgı bar adamdar üşın jūmys oryndaryn qūruǧa bolady. Söilesıŋızder, naqty mysaldar körsetıŋızder. Taǧy da atap ötkım keledı: äleumettık qoldau jäne mügedektıgı bar adamdardyŋ ömır süru jaǧdaiyn jaqsartu bız üşın basym baǧyt jäne jalpy memlekettık saiasattyŋ maŋyzdy bölıgı bolyp tabylady. Kvotany ūlǧaitu, sondai-aq aqparattyq jūmysty küşeitu qajet, – dedı Ermaǧanbet Bölekpaev.
Jūmyspen qamtudy üilestıru jäne äleumettık baǧdarlamalar basqarmasynyŋ mälımetınşe, oblysta 54 690 mügedek tūrady, olardyŋ jartysy eŋbekke jaramdy.
Basqarma basşysy Ǧalymjan Spabekov habarlaǧandai, jyl basynan berı kvota boiynşa 153 adam jūmysqa ornalasty. Ol bükıl prosestı baqylaityn avtomattandyrylǧan jüie turaly aityp berdı. Elektrondyq eŋbek birjasynda kvota belgılengen jūmys beruşılerdıŋ tızbesı jariialandy. Mansaptyq ortalyqtar jūmysqa ümıtkerlerdı tabuǧa belsendı kömektesedı. Kvotanyŋ oryndalmauy avtomatty türde eŋbek inspeksiiasyna jıberıledı.
Sonymen qatar, oblysta mümkındıgı şekteulı jandarǧa kömek körsetu üşın JOB COACH jaŋa jobasy ıske qosyldy. Mansaptyq ortalyqtardyŋ mamandary qamqorlyqtaǧylardy jūmys ornynda tolyq beiımdelgenge deiın süiemeldeu üşın oqytudan öttı. Qaraǧandyda mümkındıgı şekteulı jandarǧa keŋes beru jäne jūmysqa ornalastyru ortalyǧyn aşu josparlanuda.
