Türkıstan oblysynda halyqaralyq maŋyzy bar tasjoldyŋ boiynda ornalasqan dämhanadan ört şyqty. Tötenşe jaǧdailar ministrlıgınıŋ mamandary tılsız jaudy auyzdyqtap qana qoimai, ırı jarylystyŋ aldyn aldy, dep habarlaidy "Adyrna".
Oqiǧa 27 jeltoqsan, senbı künı bolǧan. Türkıstan oblysy TJD «112» pultıne Almaty ‒ Termez avtojolynyŋ boiyndaǧy nysannyŋ örtenıp jatqany turaly habarlama tüsken.
Ört sol sätte jūmys ıstemei tūrǧan jol boiyndaǧy dämhana ǧimaratynda bastalǧan. Ört söndıru qyzmetı oqiǧa ornyna jetkende, ǧimaratty jalyn tolyqtai şarpyp ülgergenı anyqtaldy.
Örttı söndıru barysynda örtsöndıruşıler ülken qauıpke qaramastan ǧimarat ışıne kırdı. Olar jalyn qūşaǧynda qalǧan dämhana ışınen syiymdylyǧy 50 litrlık gaz ballonyn syrtqa alyp şyqty.
Būl äreket jaǧdaidyŋ odan ärı uşyǧuyna jol bermedı. Eger gaz ballony jarylǧanda, zardaptar būdan da auyr bolar edı. Qūtqaruşylardyŋ jedel äreketınıŋ arqasynda yqtimal jarylysqa tosqauyl qoiyldy.
Tötenşe jaǧdai mamandarynyŋ üilesımdı jūmysynyŋ nätijesınde ört tolyqtai söndırıldı. Oqiǧa saldarynan zardap şekkender men qaza tapqandar joq.
Qazırgı uaqytta örttıŋ neden şyqqany anyqtalyp jatyr. Mamandar tiıstı saraptamalardy taǧaiyndady.
TJM azamattardy ört qauıpsızdıgı erejelerın qataŋ saqtauǧa, äsırese nysandardaǧy gaz jabdyqtary men elektr jelılerınıŋ küiın ünemı baqylap otyruǧa şaqyrady.
