Pýtındi qoldaǵan Azamatqa qarsy shyǵyp, ǵaıbattaý úlken qatelik. Bul pikirdi dintanýshy ǵalym Zikirııa Jandarbek Facebook paraqshasynda jazdy, dep habarlaıdy “Adyrna” ulttyq portaly.
“Qurmetti baýyrlar! Bir eki-kún boldy Májilis depýtaty Azamat Ábildaevty Reseıdi, Pýtındi qoldaımyn degeni úshin FB-da, t.b. áleýmettik jelide ıtteı talap jatyr. Ol depýtat jigittiń pikirine qarsy shyǵyp jatqan azamattardyń ishinde nebir ataqty, abyroıly azamattar bar. Serik Pirnazar degen baýyrymyz «Munyń adamnan jaratylǵanyna úlken kúmánim bar»-jazypty. Mundaı aıyptaýlardyń jeti atasy órip júr. Biraq, sonda bul jigittiń osylaı dep, aıtýyna ne sebep boldy? degen suraq kópshiliktiń oıyna kelmepti. Bul óte qaýipti sındrom. Azamat baýyrymyz orystyń Ýkraına jerine nelikten basyp kirgenin óziniń óresi jetken jerge deıin aıtty. Sonyń ózi túsingen adamǵa jeterlik bolatyn. Reseıdiń Ýkraınaǵa soǵys ashýyna sebep bolǵan basty faktor, Reseıdiń qaýipsizdigine tóngen qaýiptiń aldyn alý edi. Egerde Ýkraına jerine AQSh bastaǵan Batys elderi ıadrolyq qarýlaryn ákep qoıatyn bolsa, Reseıdiń ol soǵysta aman qalýy múmkin emes edi. Bul turǵydan kelgende Reseıdiń Ýkrınaǵa soǵys ashýyn túsinýge bolady. Azamat osy turǵydan aıtyp otyr. Sondyqtan taıly-taıaǵymyzben Azamatqa qarsy shyǵyp, ǵaıbattaý úlken qatelik. Jalpy bul postymda aıtylatyn negizgi másele bul emes. Budan kúrdeli. Biraq ony kópshilik túsine alady ma? Joq pa? Men ony bilmeımin. Men de men Reseıdiń, Pýtınniń jeńgenin qalaımyn. Erteńgi kúni qazaq jerine de basyp kirse qaıtesiń? -dep aıtatyndaryńyzdy da bilemin. Árıne. Ondaı jaǵdaı qalyptassa men elimdi, jerimdi, qorǵaımyn”, dep jazdy ol.
Sondaı-aq, onyń aıtýynsha, Reseıdiń bizdiń elge tıispeýi úshin Ýkraınany qoldap, Reseıdi jaý sanaǵandy qoıý kerek.
“Biraq, máseleni olaı ýshyqtyrmaı sheshýge bolady. Ol úshin Ýkraınany qoldap, Reseıdi jaý sanaǵandy qoıý kerek. Sonda Reseı de bizdiń elimizge degen teris pıǵylynan bas tartady degen oıdamyn. Meniń biletinim, bul soǵysta Reseı jeńilýge tıis emes. Sonda myńdaǵan adamdy óltirip jatqan Reseıdiki durys dep esepteısiz be? -deýlerińiz múmkin. Ras. Alaıda, Reseı jeńilse, adamı bolmys jeńilip, adamzat balasy haıýanı bolmystyń jeteginde ketedi. Bul soǵysta halyq myńdap, mıllıondap qyrylýy múmkin, biraq, AQSh pen Batys elderi jeńetin bolsa, onda adamzat balasy mıllıardtap qyrylady. Óıtkeni, adamzat balasy tolyǵymen azǵyndyq jolyna túsedi. Qazirgi AQSh bastaǵan Batys memleketteriniń adamzatty azǵyndatyp, adamı bolmysyn qurtýǵa baǵyttalǵan saıasaty adamzattyń basyna tóngen basty qaýip. Onyń yqpalyn qazirgi kúni qazaq halqy anyq sezinip te, kórip te otyr. Elimizge kelip, jastardy azǵyndatyp, LBGT, gemoseksýalızm t.b. adamnyń azǵyndaýyna aparatyn túrli joldardy elimizge ákelgen toptyń artynda kimder tur? Mektepterge «Álemdik quzirettilik» degen pándi engizýdi talap etip, balalarymyzdy qyrshynynan qıatyn jobany elimizge tyqpalap otyrǵan kimder? Egerde Reseı Ýkraınada jeńiletin bolsa, onda osy azǵyndyqtyń barlyǵyn óz qolymyzben iske asyrýǵa májbúr bolamyz. Sebebi, ondaı jaǵdaıda AQSh pen Batys elderiniń aıaǵyn tartyp, qaraılaıtyn eshkim qalmaıdy. Búkil álemge ózderi bı, ózderi qoja bolatyn zamanǵa jetedi. Biraq olardyń da óz maqsattaryna jetýi múmkin emes. Osy jaryq dúnıe men on segiz myń ǵalamdy jaratqan Táńir Taǵala mundaı azǵyndyqtyń tolyǵymen iske asýyna múmkindik bermeıdi. Adamzat basyna aqyrzaman apatyn ákeledi. Aqyrzamannyń belgileri qazirgi tolyǵymen derlik jer betine shyqty. Bir ǵana kúnniń batystan shyǵýy ǵana qaldy. Qazirgi kózi qaraqty, jer betinde qandaı apattardyń bolyp jatqanyn kórip, baqylap júrgen adam, meniń sózimniń jalǵan emestigine kýálik bere alady. Ismatýlla qarı sııaqty rýhanı álemnen habary bar tulǵalardyń Pýtındi, Reseıdi qoldap júrýinde osyndaı hıkmet bar. Osy qaterdi sezinbegen jandardyń Ýkraınany, AQSh pen Batys elderin qoldaıtynyn, ózderinshe ádiletti qorǵap júrmiz dep oılaıtynyn kórgende adam sanasynyń qanshalyqty materıaldyq bolmys jeteginde ketkenine kóz jetkizemiz. Ókinishke oraı, munyń sońy búkil adamzat balasy úshin qurdym ekenin de sezine alar emespiz”, - dedi dintanýshy ǵalym Zikirııa Jandarbek.
