Reseı basqynshylary Herson mańyndaǵy qoqys ornynda máıitterdi órtegen. Bul jaıly jergilikti turǵyndardyń málimdemesine súıene otyryp "The Guardian" basylymy habarlady, dep jazdy "Adyrna" ulttyq portaly.
Aǵylshyn tildi "The Guardian" basylymy shetin jaǵdaıdy zerttedi. Basqynshylar soǵysta qaza tapqan maıdandastarynyń máıitin qoqysqa tastap, ony órtegen.
Basylym jýrnalısine pikir bildirgen azamattardyń aıtýynsha, qara, iri qaptarǵa salynǵan túsiniksiz "qoqystar" úlken júk kóligimen jetkizilip, birden órteletin bolǵan. Órt sebebinen úıitilgende shyǵatyn ótkir ıis aýany jaryp, kúıgen shashtyń ısi mańaıǵa taraǵan.
Sonymen qatar, turǵyndar basqynshylardyń qoqys tógetin shaǵynda joldy bógep, jergiliktilerdiń eshbirin qoqys alańyna jaqyndatpaǵanyn aıtady.
"Adyrna" ulttyq portaly
