Qazaqstan ükımetı el ekonomikasyna 300 myŋ dollar investisiia salǧan şeteldıkterge tūruǧa rūqsat berudı josparlap otyr. Būl jönınde Premer-Ministrdıŋ orynbasary – Sauda jäne integrasiia ministrı Serık Jūmanǧarin mälımdedı, dep habarlaidy “Adyrna” ūlttyq portaly.
“Qazırgı kezeŋde Qazaqstan ekonomikasyna 300 myŋ dollardan astam investisiia salǧan şeteldık biznesmenderge tūruǧa rūqsat alu qūqyǧymen 10 jylǧa viza alu mümkındıgın beruge baǧyttalǧan zaŋ jobasyn äzırleu jūmystary jürgızılude”, - dedı Jūmanǧarin "Aq jol" fraksiiasynyŋ deputattyq saualyna jauap berıp.
Jūmanǧarin jalpy ükımet Qazaqstandaǧy investisiialyq ahualdy jaqsartu boiynşa tūraqty jūmys jürgızıp jatqanyn atap öttı.
“Rezident emes jäne Qazaqstan aumaǧynda investisiialyq qyzmettı jüzege asyratyn tūlǧalar 5-ten 3 jūmys künıne deiın beirezident investorlar üşın investorlyq vizany alu räsımın jeŋıldetu maqsatynda İnvestisiialar jäne damu ministrınıŋ būiryǧyna investorlyq vizany räsımdeu merzımın retteu jäne qysqartu bölıgınde özgerıster men tolyqtyrular engızıldı”, - dedı ministr.
Aita keteiık, būǧan deiın prezident Qasym-Jomart Toqaev ükımetke Reseiden ketken şeteldık kompaniialardy Qazaqstanǧa ornalastyruǧa jaǧdai jasaudy tapsyrǧan.
