Almaty oblysynyŋ polisiiasy Nauryz turaly dauly video jariialaǧan blogerdı ūstady. Rolikte ol būl mereke Qazaqstanda atap ötılmeuı tiıs ekenın aityp, ony «mūsylmandardyŋ merekesı emes» dep ataǧan, dep habarlaidy "Adyrna".
IIM mälımetınşe, er adamǧa qatysty dıni arazdyqty qozdyru faktısı boiynşa qylmystyq ıs qozǧaldy.
«Aǧymdaǧy jyldyŋ 23 nauryzynda äleumettık jelılerge jürgızılgen monitoring barysynda TikTok-ta jariialanǧan, Nauryz merekesıne qatysty dıni jäne etnomädeni sipattaǧy jariia mälımdemeler qamtylǧan beinematerial anyqtaldy. Jedel ıs-şaralar nätijesınde 1991 jyly tuǧan azamat K. anyqtalyp, ūstalyp, uaqytşa ūstau izoliatoryna qamaldy», – dep mälımdedı IIM.
Qazırgı uaqytta qajettı tergeu äreketterı jürgızılude. Tergeu müddesıne bailanysty özge aqparat jariia etılmeidı.
Aita keteiık, Qylmystyq kodekstıŋ 174-baby 2-bölıgı (dıni arazdyqty qozdyru) boiynşa, eger būl ärekettı qoǧamdyq pıkır köşbasşysy jasasa, 5 jyldan 10 jylǧa deiın bas bostandyǧynan aiyru jazasy qarastyrylǧan.
Qaznette blogerdıŋ "Nauryz – qazaqtyŋ da, mūsylmannyŋ da merekesı emes jäne ol parsy (zoroastrizm) dästürınen kelgen" degen mälımdemesınen keiın dau tuyndady. Onyŋ aituynşa, Qazaqstandaǧy mūsylmandarǧa būl kündı atap ötuge bolmaidy, al rūqsat etıletın merekeler – tek Oraza ait pen Qūrban ait.
Video äleumettık jelılerde tez tarap, qoǧam tarapynan synǧa ūşyrady. Qoldanuşylar avtordy tarihty būrmalady, ūǧymdardy şatastyrdy jäne qoǧamda jık saluǧa tyrysty dep aiyptady.
Aita ketu kerek, Nauryzdyŋ «rūqsat etıluı» turaly daular kei elderde qataŋ saldarǧa äkelgen. Auǧanstanda «Taliban» bilıkke qaita kelgennen keiın 21 nauryz resmi merekeler qatarynan alynyp, memlekettık ıs-şaralar toqtatyldy. Būqaralyq merekeleu ıs jüzınde joiyldy.
Būryn Navruz (Nauryz) eldegı eŋ ırı merekelerdıŋ bırı bolǧanymen, qazır ol jeke deŋgeide ǧana atalyp ötedı nemese mülde toilanbaidy.
Aita ketsek, Qazaqstan Prezidentı Qasym-Jomart Toqaev Nauryzdy ūlttyq dästürdıŋ maŋyzdy bölıgı jäne barlyq qazaqstandyqtarǧa ortaq mereke retınde bırneşe ret atap ötken.
«Nauryz – ruhani tazaru men jaŋaru uaqyty. Tazalyq ūǧymy jan-jaqty maǧynaǧa ie. Eŋ aldymen, ol oidyŋ, sananyŋ jäne niettıŋ tazalyǧyn bıldıredı. Nauryz merekesınde Tazalyq filosofiiasynyŋ mänın keŋınen tüsındıru asa maŋyzdy», – degen bolatyn ol 2026 jylǧy 21 nauryzdaǧy qūttyqtauynda.
