Memleket basshysy Qasym-Jomart Toqaev Almaty qalaynyń ákimi Erbolat Dosaevti qabyldady, dep habarlaıdy «Adyrna» tilshisi.
Memleket basshysyna Almaty qalasynyń bıylǵy toǵyz aıdaǵy áleýmettik-ekonomıkalyq damýynyń aldyn ala qorytyndysy týraly esep berildi.
Qala ákimi Prezıdentke ekonomıkanyń turaqty ósimin qamtamasyz etý jónindegi tapsyrmalarynyń oryndalýy jóninde baıandady.
Esep berilip otyrǵan kezeńde shahardaǵy qysqamerzimdi ekonomıkalyq ındıkator 105 paıyzǵa jetken. Óńdeýshi ónerkásip – ósimniń negizgi draıverine aınalǵan. Negizgi kapıtalǵa salynǵan ınvestıııa kólemi 22,1 paıyzǵa artqan jaıy bar.
"Almaty jeke ınvestıııalar kólemi jóninen 22,4 paıyz kórsetkishpen óńirler arasynda birinshi orynda. Qalada iskerlik belsendilik qalpyna kelgen. Máselen, bıylǵy toǵyz aıda jumys isteıtin shaǵyn jáne orta bıznes sýbektileriniń sany 37,2 paıyzǵa artty",-dedi Almaty qalasynyń ákimi Erbolat Dosaev.
Qala basshysy Qasym-Jomart Toqaevqa Almaty qalasyn damytýdyń 2025 jylǵa deıingi baǵdarlamasynyń júzege asyrylýy jáne 2030 jylǵa deıingi ortamerzimdi perspektıvalary, sonymen qatar damýdyń bekitilgen negizgi basymdyqtaryn eskere otyryp, qalanyń 2040 jylǵa deıingi jańa Bas josparyn ázirleý barysy týraly baıandady.
Memleket basshysyna ınjenerlik ınfraqurylymdy damytý jumystary, mektepterdegi oryn tapshylyǵyn tómendetý úshin qabyldanyp jatqan sharalar, biryńǵaı beınemonıtorıng júıesin qurý jónindegi tapsyrmasynyń oryndalý barysy týraly málimet berildi.
Kezdesý sońynda Prezıdent qalanyń ekonomıkasyn odan ári ártaraptandyrý jáne ınfraqurylymyn jańǵyrtý jóninde tapsyrma berdi.
