Joǧary lauazymdy tūlǧalardyŋ sybailas jemqorlyq ısterın tergeu basqarmasy (CIO) tergeuşılerınıŋ prezident rezidensiiasyna Iýn Sok Ioldı ūstau üşın barǧanynan keiın bes saǧat ötken soŋ, saǧat 13:30-da orderdı oryndaudy toqtatqanyn mälımdedı. Būl turaly Yonhap News Agency jariialady, dep habarlaidy.
“Orderdı oryndau jalǧasyp jatqan qarsylyqqa bailanysty ıs jüzınde mümkın emes dep şeştık jäne qyzmetkerlerdıŋ qauıpsızdıgıne alaŋdauşylyq sebeptı ony toqtattyq”, – dep mälımdedı CIO baspasözge arnalǧan habarlamasynda.
CIO ökılderı tekseru jürgızılgen soŋ, kelesı qadamdar turaly şeşım qabyldaitynyn aitty.
“ Bız zaŋmen belgılengen räsımderdı oryndaudan bas tartqan küdıktınıŋ äreketıne bailanysty tereŋ ökınış bıldıremız”, — dep tolyqtyrdy vedomstvo.
Būǧan deiın habarlanǧandai, qyzmetınen şettetılgen Oŋtüstık Koreia prezidentı Iýn Sok Ioldıŋ rezidensiiasyna kelgen tergeuşıler ony ūstau barysynda äskeri qyzmetşılerdıŋ qarsylyǧyna tap boldy.
Ūstau şarasy sottyŋ būryn şyǧarǧan orderı negızınde jürgızılude.
Eske salsaq, 14 jeltoqsanda Oŋtüstık Koreia parlamentınıŋ 300 müşesınıŋ 204-ı Iýn Sok Ioldı prezidenttık qyzmetınen şettetuge dauys bergen bolatyn. Būl şeşım elde onyŋ äskeri jaǧdai engızuıne bailanysty qabyldanǧan.
Ūqsas jaŋalyqtar
