Almaty qalasynda áleýmettik joba aıasynda iri kólemdegi pikirsaıys týrnıri ótti.
"Adyrna" qoǵamdyq qory "Jastardy áleýmettendirý jáne ońaltý" jobasy aıasynda ál-Farabı atyndaǵy Qazaq ulttyq ýnıversıtetinde pikirsaıys týrnırin uıymdastyrdy. Týrnırge Almaty qalasyndaǵy túrli joǵary oqý oryndarynan 54 ótinim túsip, 9 debattyq klýbtan 18 frakııa irikteldi.
Negizinen taqyryp eldegi ózekti máselelermen baılanysty boldy. Máselen, jumyssyzdyq, sybaılas jemqorlyq, ult senimi jáne taǵy basqa.
Amerıkandyq parlament jáne Lınkoln Dýglas formatynda ótken debat týrnıriniń negizgi qararlary alty taqyrypqa kózdeldi. Olar: 1) BP Qazaqstanda báskelestikti damytýdyń jańa baǵdarlamasyn usynady; 2) BP qázirgi qoǵamdaǵy sybaılas jemqorlyqtyń aldyn alýdyń tıimdi jolyn usynady; 3)BP saıası aqparat ashyq bolý qajet dep e.; 4)BP Eldegi jumyssyzdyqqa halyqty kináli d.e.; 5)BP Prezıdenttikke óz kandıdatýrasyn usynady; 6)Qaptaǵy mysyq.
Tańǵy ýaqyttan keshke deıin jalǵasqan týrnır tóreshilerdiń sheshimi boıynsha APF formatynan:
1 oryn: Ál-Farabı frakııasy (kýbok, dıplom jáne 100 000 tg qarjylaı syılyq)
2 oryn: Asar Ume frakııasy (dıplom jáne 70 000 tg qarjylaı syılyq)
3 oryn: Fenıks frakııasy (dıplom jáne 50 000 tg qarjylaı syılyq)
4 oryn(úzdik talpynys): Kaı Lın frakııasy (dıplom jáne 25 000 tg qarjylaı syılyq)
LD formaty boıynsha: eń úzdik spıker - Jaken Nurhan
úzdik spıker - Edilbaev Ernar marapattaldy.
Týrnır jaıly úshinshi oryn alǵan Turan ýnıversıteti "Sırıýs" debat klýbynyń múshesi Jolshybek Janserik:
"Týrnır joǵarǵy deńgeıde ótti, uıymdastyrýshylar tarapynan usynylǵan qararlar óte aktýaldy boldy, spıkerler barlyq suraqtarǵa tolyq jaýap bere aldy dep senemiz. Osyndaı týrnırler tek pikirsaıysshylar úshin ǵana aqtalatyn dúnıe emes, memlekettik deńgeıdegi suraqtardyń sheshimderin tabýǵa múmkindik beredi" dep pikir bildirdi.
Sonymen qatar "Altyn sapa" debat klýbynyń aǵa býyny Sanjar Latıfov:
"Adyrna ortalyǵynyń uıymdastyrǵan pikirsaıys týrnıri óte keremet deńgeıde ótti. Qyzyqty qararlar, ádil tóreshilik jáne joǵary deńgeıdegi uıymdastyrý týrnırdiń basty erekshelekteri boldy. Ár ýnıversıtetten kelgen pikirsaıysshylarmen tájirıebe almasyp, dostyq qarym-qatynas ornata alǵanymyz úshin Adyrnaǵa rahmet!" dep oıymen bólisti.
Oıyn sońynda "Adyrna" uoǵamdyq qorynyń prezıdenti Arman Áýbákir:
"Men búgin jalyndaǵan jastardy kórdim. Olardyń el máselesin qozǵaýda bilerleri kóp ekenin, erteńgi memleketimizdiń berik qamaly bola alatyn jastardyń bar ekenine sendim. Birinshiden, barsha jeńimpazdardy ádil jeńispen quttyqtaıymn. Zor tabys tileımin! Ekinshiden, osyndaı debat saıystaryn uıymdastyryp turýdy aldaǵy ýaqytta taǵy josparlaıtynymyzdy aıta ketkim keledi. Debat - jaı ǵana saıysshylardyń pikir qaǵystyratyn alańa emes, bul elimizdiń jarqyn bolashaǵyn qúratyn jastardyń erkin oı bólisetin, máselelerdiń ashyq talqylanatyn mekeni" dep bólisti ol.
