2025 jyldyń 5-6 sáýirinde elimizdiń túkpir-túkpirinen kelgen jastardyń basyn qosqan TEO CUP XIV respýblıkalyq debat týrnıri óz maqsatyna jetip, joǵary deńgeıde ótti. Bul is-shara el aýmaǵynda ıntellektýaldyq pikirtalas pen bilimge degen suranysty arttyrdy, al jeńimpazdar aqshalaı syılyqtar marapattaldy.
Týrnırge elimizdiń 8 aımaǵynan: Almaty, Taraz, Shymkent, Aqtóbe, Astana, Qaraǵandy, Atyraý jáne Semeı qalalarynan kelgen pikirsaıysshylar qatysty. Aýqymdy pikirsaıys alańynda 92 komanda, 184 qatysýshy baq synap, óz bilimderin, sheshendik sheberlikterin jáne synı oılaý qabiletterin kórsetti. Týrnırge 500-den astam kórermen qatysyp, belsendi qoldaý bildirdi.
Osyndaı aýqymdy jobanyń sátti júzege asýyna bir ǵana uıymdastyrý jetkiliksiz ekeni anyq. Is-sharanyń joǵary deńgeıde ótýine, qatysýshylardyń shabyttanyp, jeńimpazdardyń baǵaly syılyqtarǵa ıe bolýyna birqatar demeýshiler men seriktesterdiń qoldaýy erekshe áser etti.
TEO CUP XIV jeńimpazdary men syılyqtar:
Alfa lıgasy jeńimpazdary:
- Han Táńiri — 300 000 teńge, Ýmra saparyna 2 sertıfıkat
- Massaget — 200 000 teńge, «Shapan Nur» brendine 20% jeńildik, «Kaıdzen» kitaby (2 dana)
- Old School jáne Ádiletti Qazaqstan — 100 000 teńge (árqaısysy), «Shapan Nur» brendine 10% jeńildik, «Kaıdzen» kitaby (4 dana)
Betta lıgasy jeńimpazdary:
- Alasapyran — 100 000 teńge, Túrkııa saparyna 2 sertıfıkat
- Veni Vidi Vici — 60 000 teńge, «Shapan Nur» brendine 10% jeńildik, «Kaıdzen» kitaby (2 dana)
- Irına Kaıratovna jáne Dragonlore — 30 000 teńge (árqaısysy), «Shapan Nur» brendine 10% jeńildik
Jeke nomınaııalar:
- Eń úzdik spıker — Álibek Sandybek (80 000 teńge)
- Úzdik spıker — Azamat Arynov (40 000 teńge)
TEO CUP XIV aıasynda uıymdastyrylǵan taǵy bir erekshe shara — «Mıllıon kimge buıyrady?» atty ıntellektýaldyq oıyny boldy. Qatysýshylar logıka, erýdıııa jáne jyldam oılaý qabiletteri boıynsha synalyp, tartysty oıyn nátıjesinde Saparǵalı Batyrjan jeńimpaz atandy.
Oǵan Túrkııa eline joldama tabystaldy. Bul jeńis – onyń tereń bilimi men zerektiginiń dáleli.
TEO CUP XIV týrnıri – bul pikirsaıys mádenıetin nyǵaıtýǵa, jastardyń synı oılaýyn damytýǵa, kóshbasshylyq qabiletterin qalyptastyrýǵa baǵyttalǵan mańyzdy qadam boldy. Is-shara joǵary uıymdastyrýshylyq deńgeıde ótip, elimizdegi ıntellektýaldy jastar úshin úlken serpin berdi.
