19 qazan 2018 j. Almaty qalasy Ishki saıasat basqarmasy men Ál-Farabı atyndaǵy QazaqUÝ-niń shyǵystaný fakýltetiniń ırantaný bóliminiń uıymdastyrýymen «Birlik – bereke bastaýy» atty kesh bolyp ótti. Keshtiń maqsaty: Qazaqstandaǵy el birligi ıdeıasyn nasıhattaý bolyp tabylady.
Bul keshke «Arıana» aýǵan ortalyǵynyń basshysy Ahmadýlla Vastok, «Arıana» aýǵan ortalyǵy basshysynyń orynbasary Azızı Rahımýllo Azızýllo, Taıaý Shyǵys jáne Ońtústik Azııa kafedrasynyń meńgerýshisi Gabdýllın Kenjebek Týlepbergenovıch, Ál-Farabı atyndaǵy Qazaq UÝ-niń shyǵystaný fakýlteti dekanynyń orynbasary Kanafeva Shynar Erlanovna, «Adyrna» ulttyq-etnografııalyq birlestiginiń basshylyry, Ál -Farabı atyndaǵy QazUÝ-niń shyǵystaný fakýltetiniń POQ jáne parsy tilin meńgerip jatqan Ál -Farabı atyndaǵy QazUÝ jáne Qazaq memlekettik qyzdar pedagogıkalyq ýnıversıettiniń stýdentteri qatysty. Bul kezdesýdi moderator «Adyrna» ulttyq-etnografııalyq birlestiginiń belgili jýrnalısti, mádenıettanýshy Berdaly Ospan júrgizdi.
«Arıana» ortalyǵynyń tóraǵasy Ahmadýlla Vastok óz sózinde Rýhanı jańǵyrý aıasynda bolyp jatqan sharalar – elder arasyndaǵy tatýlyqty bekemdep, odan ári yntymaqtastyqty nyǵaıta túsedi. Sonyń ishinde, Aýǵanstan men Qazaqstan baılanystarynyń odan ári damýyna da úlken serpin beredi. Qazaqstan Aýǵanstannyń damýyna erekshe kóńil bólip otyr, Elbasy Nursultan Nazarbaevtyń bastamasymen Qazaqstan Aýǵanstanǵa 2010 jyldan beri 1000 aýǵan jastaryn tegin oqytyp, qazirgi kezde de Qazaqstannyń JOO aýǵan jastaryn oqytý odan ári óz jalǵasyn taýyp otyr. Bul úshin Ahmadýlla Vastok óz rızashylyǵyn bildirdi.
«Arıana aýǵan ortalyǵy» qoǵamdyq birlestigi tóraǵasynyń orynbasary Azızı Rahımýllo Azızýllo da óz sózinde eki eldiń arasyndaǵy mádenı, ekonomıkalyq, dıplomatııalyq qatynastardyń nyǵaıyp kele jatqandyǵyn tilge tıek etti. Keleshekte Aýǵanstandaǵy ýnıversıtetteriniń biri bolǵan Kabýl ýnıversıtetimen Qazaqstandaǵy JOO baılanys jasaýǵa bolatynyn aıtyp ótti.
Kesh barysynda stýdentter parsy tilinde qonaqtarǵa mynadaı suraqtar berdi: Qazaqstan men Aýǵanstan arasyndaǵy dıplomatııalyq baılanys qandaı dárejede? Eki eldiń arasyndaǵy saýda-sattyqty damytý máselesi qandaı jolǵa qoıylǵan? Eki el mádenıetinde uqsastyqtar bar ma? Qazaqstan men Aýǵanstan arasyndaǵy baılanysty odan ári nyǵaıtýdyń joldaryn aıta alasyz ba?
Qonaqtar bul suraqtardyń jaýabyn parsy tilin úırenip jatqan stýdentterge arnaıy parsy tilinde jaýap berdi.
«Arıana aýǵan ortalyǵy» qoǵamdyq birlestigi ókilderi keleshekte shyǵystaný fakýltetimen tyǵyz baılanys jasaýǵa ázir ekendigin aıtyp jáne osyndaı keshti uıymdastyrǵan uıymdastyrýshylarǵa alǵystaryn bildirdi.
Sadyqova R.K.
