QR oqý-aǵartý mınıstriniń buıryǵymen Ernur Nurlanuly Dáýenov Qazaqstan Respýblıkasy Oqý-aǵartý mınıstrligi Bilim salasynda sapany qamtamasyz etý komıtetiniń tóraǵasy bolyp taǵaıyndaldy, dep habarlaıdy "Adyrna" ulttyq portaly.
Ernur Dáýenov 1988 jyly Pavlodar oblysynda dúnıege kelgen.
S. Toraıǵyrov atyndaǵy Pavlodar memlekettik ýnıversıtetin, Qaraǵandy Qaztutynýodaǵy ýnıversıtetin bitirgen. Eńbek jolyn 2009 jyly Y. Altynsarın atyndaǵy oblystyq daryndy balalarǵa arnalǵan qazaq gımnazııa-ınternatynyń tarıh pániniń muǵalimi retinde bastaǵan.
2011 jyldan 2013 jylǵa deıin Y. Altynsarın atyndaǵy ulttyq bilim Akademııasynyń ǵylymı qyzmetkeri, Astana qalasynyń «Zerde» daryndy balalarǵa arnalǵan mektep dırektorynyń orynbasary, «Ertis daryny» óńirlik ǵylymı-praktıkalyq ortalyǵynyń zerthana meńgerýshisi bolyp jumys istedi.
2013-2014 jyldary – Pavlodar oblysy bilim berý basqarmasynyń tárbıe jumysy jáne qosymsha bilim berý bóliminiń bas mamany.
2014-2015 jyldary – Sharbaqty aýdany bilim berý bólimi basshysynyń orynbasary.
2015-2016 jyldary – Baıanaýyl aýdany bilim berý bóliminiń basshysy.
2016-2017 jyldary – Pavlodar oblysy bilim berý basqarmasy basshysynyń orynbasary.
2017-2019 jyldary – Pavlodar oblysynyń ishki saıasat basqarmasynyń basshysy.
2019 jyldan bastap Pavlodar oblysynyń mádenıet, tilderdi damytý jáne arhıv isi basqarmasyn basqardy.
2020 jyldyń tamyz aıynan bastap Qazaqstan Respýblıkasy Bilim jáne ǵylym mınıstrligi Mektepke deıingi jáne orta bilim Komıteti tóraǵasynyń orynbasary qyzmetin atqardy.
"Adyrna" ulttyq portaly
