Aqtöbede bılım künınıŋ byt-şyty şyqty. Bır mezette alty bırdei mektepte Bılım künıne arnalǧan jiyn toqtatyldy. Poliseiler men ört söndıruşıler ǧimaratty qorşauǧa alyp, mektepke jinalǧandardyŋ barlyǧyn qauıpsız jerge köşırdı. Eldı dürlıktıgen ne jaǧdai?
Būl turaly «Euraziia» bırınşı arnasy habarlaidy.
AQBAIаN SŪLTANMŪRATOVA, TILŞI:
"Bız qazır Aqtöbedegı №2 mektep-gimnaziianyŋ janynda tūrmyz. Bılım künıne arnalǧan satanatty jiyn būl mektepte saǧat 8-ge josparlanǧan. 8-den 8-30-ǧa deiıngı şara qalyty jaǧdaida ötken. Ata-analardyŋ aituynşa, saǧat 9-daǧy şaraǧa jinalǧan sätte, aumaqty poliseiler qorşap, barlyǧyn qauıpsız jerge köşırıptı. Aitularynşa, mektepke jarylǧyş zat qoiylǧan degen".
Poliseiler ǧimarat janyna eşkımdı jolatpaidy. Ört söndıru qyzmetı bar, jedel järdem kölıgı barlyǧy mekteptıŋ janynda tūr. İısşıl itterın jetektegen kinologtar da kelıp jettı. Oquşylar men ata-analar, ūstazdar mektep maŋyn ainalsoqtap ketetın emes. Bärınen būryn balasyn bırınşı synypqa alyp kelgen ata-analardyŋ köŋıl küiı tüsıp ketken.
«Jarylǧyş zat» turaly jaisyz habar qalanyŋ 12-şı şaǧyn audanyndaǧy mektepterge de jetken. Qūtqaru qyzmetterı bır aulada ornalasqan ekı bırdei mektepke dereu jetken. Maŋyna jan juytpaidy. Saperler jūmys ıstep jatyr. JÄMIŞ BALǦYMBAEVA, QALA TŪRǦYNY:
«Taŋerteŋ tynyş boldy ǧoi. Bır nemerem baryp keldı. Mynadai estıdık ǧoi. Keiın qarai qaitamyz. Apaiyn köremız ba dep edık. Qolyndaǧy gülı men qaǧazyn berıp. Byltyr 1 klasqa da bara almady ǧoi lineikaǧa. Bırınşı ret kele jatyr edı, bolmai qaldy».
Bılım künınıŋ berekesın qaşyrǧannyŋ kım ekenın poliseiler anyqtaityn bolady. Al oblystyq bılım basqarmasy habarlama alǧan boiy, 6 mekteptegı şarany dereu toqtatqan. Qalǧan 418 mektepte sabaq jalǧasatynyn mälımdedı. GRAFİKA: "Saǧat 08.30 şamasynda №2 orta mekteptıŋ elektrondy pochtasyna Aqtöbe qalasynyŋ 6 mektebınde (№1, 2, 22, 21, 51, 56 orta mektepter) bomba qoiylǧany turaly habarlama kelıp tüstı. Barlyq şūǧyl qyzmetter men saperler toby dereu oqiǧa ornyna şyqty, oquşylardy, mektep ūjymyn evakuasiialau ūiymdastyryldy.
Atalǧan derek boiynşa Qazaqstan Respublikasy Qylmystyq kodekstıŋ «Terrorizm aktısı turaly körıneu jalǧan habarlau» baby boiynşa sotqa deiıngı tergeu bastaldy". AQTÖBE OBLYSTYQ POLİSİIа DEPARTAMENTINIŊ ÄLEUMETTIK JELIDEGI RESMİ PARAQŞASYNAN Būl baptyŋ sanksiiasy 5 jylǧa deiın bas bostandyǧynan aiyrudy közdeidı. "Jalpy, jarylǧyş zat qoiyldy" dep, jalǧan qoŋyrau şalyp, ne elektrondy pochtaǧa hat jazyp jıberu soŋǧy kezde «qalypty» jaǧdaiǧa ainalyp barady. Jyldyŋ basynda ekı ret mektep-gimnaziiaǧa bomba qoildy degen şaqyrtu tüsıp, keiın jalǧan ekenı anyqtalǧan edı. Al poliseiler mekteptıŋ elektrondy poştasyna ürei tuǧyzatyn hatty kım joldaǧanyn sol küiı tappady.
