Almaty qalasy Ishki saıasat basqarmasynyń qoldaýymen «Adyrna» ulttyq-etnografııalyq birlestiginiń "Azamattyq borysh" jobasynyń aıasynda Aýǵan soǵysy ardagerleri qatysqan kezdesý shekarashylar bóliminde ótti.
Bólimsheniń qatardaǵy jaýyngerleri men sardarlary jınalǵan úlken zalda Aýǵan soǵysynyń ardagerleri jas jaýynerlerge ózderiniń jaýyngerlik tájirıesi týraly aıtyp berdi. Óz ómirinde qaýipke tola soǵys týraly kórgen-túıgenimen bólisti. Bolat Quramysov soǵys jaǵdaıyndaǵy áýejaıdyń mańyzdylyǵyn qyzyqty oqıǵalarmen árleı otyryp baıadady. Aýǵan soǵysynda dáriger bolǵan Rahımjan Iýsýpov ta túrli jaǵdaılar týraly aıtty. Matadan jasalǵan shatyrda túrli kúrdeli otalardy qalaı jasaǵanyn. Keıbirde elektr shamynyń óship qalatynyn, jaralanǵan jaýyngerlermen qatar jergilikti halyq ókilderin de emdegenderin qyzyqty etip aıtyp berdi.
Kezdesýdiń taǵy bir qonaǵy tosqaýylda birnsheshe kún bolǵandaryn, tamaqtyń taýsylǵanyn, báraq shepti tastap etýge bolmaıtynyn baıandaı otyryp jastardy jaqsylap shynyǵýǵa shaqyrdy.
Mádenıettanýshy Berdaly Ospan, qazaq halqy batyr da qaısar ult ekenin dáleledeıtin tarıhı mysaldar keltire otyryp qyzǵylyqty áńgime qozǵady.
Jaýyngerlik boryshyn ótep jatqan jas jaýynger urpaqqa bundaı áńgimeler aýadaı qajet-aq.
Qonaqtar sol kezgi basqa eldegi soǵys jaǵdaıyndaǵy ómirmen búgingi Qazaqstandaǵy beıbit ómirdi salystyra otyryp jastardy Qazaqstannyń egemendigi eń qymbat qazynamyz ekenin aıtty. Jaýyngerlerge egemen elimizdiń shekarasyn kózderiniń qarashyǵyndaı saqtaýdy ótindi.
«Azamattyq borysh» jobasynyń jetekshisi Dos Symaǵul óz kezeginde bólimshe bastyǵyna jaýyngerlerdiń jaqsy daıyndyǵy úshin alǵysyn bildirdi.
