Şymkent jastary pıkır almasty

Abai audanynyŋ jastary Memleket basşysy Q.Toqaevtyŋ «Ädılettı memleket. Bırtūtas ūlt. Berekelı qoǧam» atty Joldauyndaǧy bastamalar turaly oilaryn ortaǧa salyp, özara pıkır almasty. Aldymen Şymkent qalalyq jastar resurstyq ortalyǧynyŋ basşysy Maǧjan İsahov Prezidenttıŋ jastarǧa qolaily orta qalyptastyru üşın barlyq jaǧdai qarastyrǧanyn aityp, jas buyndy patriot boluǧa şaqyrdy. –Bılım ızdep, tūlǧalyq damu jolyna tüsken jastardy bügınnıŋ patrioty dep aitar edım. Qazır jastardyŋ sapaly bılım aluyna, jūmyspen qamtylyp, käsıpkerlıkpen ainalysuyna jaǧdai jasau üşın köptegen memlekettık baǧdarlamar jüzege asyp jatyr. Mäselen, «Jastar praktikasy» baǧdarlamasyn alyp qarasaq, endı oqu ornyn tämamdaǧan jas tülek täjıribe jinau üşın alǧaşqy jūmys ornyna joldanady. Öz käsıbıŋızdı aşyp, erekşe jobalardy jüzege asyrudy közdeseŋız, memlekettık granttyŋ mümkındıgın paidalanyŋyz. Jūmys ısteitın jastardy da pätermen qamtu jolǧa qoiylyp otyr. Juyrda Memleket basşysy öz Joldauynda 100 myŋ jasty jūmyspen qamtu, käsıpkerlıgın damytqysy kelgen jastar üşın 2,5 paiyzdyq nesie berıletının aitty. El Prezidentı jastar üşın barynşa küş salyp jatyr. Sondyqtan sızderden damu jolyna tüsıp, eldıŋ örkendep, güldenuıne üles qosuǧa şaqyramyn, - dedı M.İsahov. Şymkent jastarynyŋ ūsynysy ärdaiym äkımdıkten qoldau tauyp keledı. Ötken jyly qalanyŋ bır top belsendı jastary qala äkımı Mūrat Äitenovpen kezdesuınde är audannan ortalyq aşu ūsynysyn jetkızgen bolatyn. Köp ūzamai şahar basşysynyŋ tapsyrmasyna säikes, qaladaǧy tört audanda Jastar resurstyq ortalyǧynyŋ filialdary öz jūmysyn bastady. Bügınde audandyq ortalyqtarda jastarǧa memlekettık baǧdarlamanyŋ mümkındıkterı tüsındırılıp, bos uaqytty tiımdı paidalanuǧa baǧyt berıp otyr. –Jastardyŋ belsendılıgı tek volonter boluymen şektelmeu kerek. Elımızdı damytuǧa, qalamyzdy körkeituge, öz zamandastaryŋyzdyŋ patriottyq sezımın nyǧaituǧa baǧyttalǧan jobalaryŋyz bolsa ortaǧa salyŋyzdar. Bız üşın sızderdıŋ ūsynystaryŋyz ärqaşan maŋyzdy, - dedı ortalyq basşysy. Jiynǧa qatysuşy jastar sport üiırmelerın köbeitudı, ūlttyq dästürımızdı därıpteuge arnalǧan sporttyq oiyndardy ūiymdastyrudy ūsyndy. Ortalyq basşysy osy ūsynystardy aldaǧy künderı bırlese pysyqtap, jüzege asyratynyn jetkızdı.