Bólingendi bóri jeıdi

5118

Qazir búkil álem tolqyp turǵany belgili. Memleketter arasynda geosaıası jaǵdaı shıelenisip, halyqaralyq ahýaldyń qıyndaı túsýde. Búkil adamzat kúrdeli kezeńdi bastan ótkerýde. Osyndada eldikti nyǵaıtyp, memleket tynyshtyǵynyń mańyzy arta tústi. Óıtkeni birlik – beıbitshilik pen tynyshtyqtyń kepili. Sondyqtan ár iste parasattylyq pen sabyrlyq tanytý elimizdiń amandyǵy men jerimizdiń bútindigi úshin asa mańyzdy.

Sonymen birge, elimizge kórshi memleketten kelip jatqandar týraly másele kóptiń kókeıinde júr. Aıtarym, barlyq isti baıyppen talqylap, aqylmen sheshýimiz qajet.

Birinshiden, prezıdenttik mandattyq jeti jyldyq merzimge belgilegeni – oń sheshim. Óıtkeni mynandaı ótpeli kezeńde Prezıdent sol ýaqyttyń ishinde laıyqty, óziniń oryn basatyn, patrıot azamattardy tárbıelep qalyptastyrmaq. Sebebi, biz 30 jyl boıy monarhııalyq bıliktiń bodaýynda boldyq. Al qazir Jańa Qazaqstan degen jańa baǵdarlama boıynsha qadam bastyq. Sondyqtan osyndaı kezeńde biz, Memleket basshysy Qasym-Jomart Toqaevty bir aýyzdan qoldaýymyz kerek. Qazaqta «bólingendi bóri jeıdi» degendeı, bólinbeýimiz kerek.

Ekinshiden, Prezıdent halyqqa joldaǵan ár joldaýynda el ekonomıkasyn kóterý, halyqtyń turmysyn jaqsartý sekildi kúrdeli máselelerdi kóterip keledi. Tipti, dúnıejúzilik tájirıbelerdi ıgere otyryp, Jańa Qazaqstandy qalyptastyrý jolynda qolǵa alynyp jatyr. Onyń ústine, qandaı da basshy bolmasyn halyqtyń kóńili tolmaıdy, onyń kóńilinen shyǵý óte qıyn. Sol sebepti Memleket basshysynyń jańa saıasat júrgizeıik degen oıyn quptaımyn.

Esbergen Alaýhanov,
Zań ǵylymdarynyń doktory, professor, Qazaqstannyń Eńbek sińirgen qaıratkeri

Pikirler
Redakııa tańdaýy