Reseide tūryp jatqan Qazaqstan azamaty mobilizasiiaǧa bailanysty äskerge şaqyrtu alǧan. Būl aqparatty Syrtqy ıster ministrlıgı rastady, dep habarlaidy “Adyrna” ūlttyq portaly.
Degenmen ol elımızdıŋ zaŋyna säikes äskerde boryşyn ötemeidı. Syrty ıster ministrlıgınıŋ mälımetınşe, Reseide tūryp jatqan jäne tūru turaly yqtiiarhat alǧan qazaqstandyqtar äskerge şaqyrtu alsa, elşılıkke jügıne alady nemese äskeri komissariatqa qūjatyn körsete alady.
"Mūndai jaǧdailar bolyp tūrady, mälımet bazasynda säikessızdıkter bar şyǧar. Adam Resei territoriiasynda delık, onyŋ tūruǧa yqtiiarhaty bar. Tūrǧylyqty jerı - azamattyq emes, Qazaqstannyŋ azamattyǧy älı saqtalady. Bıraq derekqorda qate ketken siiaqty. Būl jaǧdaida Qazaqstan Respublikasy azamaty özınıŋ qūjatyn äskeri komissariatqa körsete alady nemese elşılıkke taǧy bır ret habarlasyp, Qazaqstan azamaty ekenıne közjetkıze alady. Būl jerde eş qiyndyq joq, tek onyŋ Qazaqstan azamaty ekenın zaŋdy türde däleldeu kerek", - dedı SIM baspasöz hatşysy Aibek Smadiiarov.
Ūqsas jaŋalyqtar
