Batys Qazaqstan oblysyna jumys sapary aıasynda Qazaqstan Respýblıkasy Kásipodaqtar federaııasynyń tóraǵasy Satybaldy Dáýletalın oblys ákimi Ǵalı Esqalıevpen kezdesti. Áleýmettik áriptester áleýmettik-eńbek qatynastaryn damytý boıynsha óńirde qabyldanyp jatqan sharalardy talqylady.
QR Kásipodaqtar federaııasynyń basshysy Satybaldy Dáýletalın men Batys Qazaqstan oblysy ákiminiń birinshi orynbasary Arman Óteǵulovtyń tóraǵalyǵymen ótken Áleýmettik áriptestik jáne áleýmettik-eńbek qatynastaryn retteý jónindegi óńirlik úshjaqty komıssııanyń otyrysy ózekti taqyryptardy qaýzady.
Áleýmettik áriptesterdi talqylaýdyń basty taqyryby áleýmettik áriptestik jáne jalpy áleýmettik-eńbek qatynastaryn damytý jónindegi óńirlik kelisimdi iske asyrý boıynsha jergilikti atqarýshy organdardyń, kásipodaqtar men jumys berýshilerdiń birlesken jumysynyń kórsetkishteri boldy.
Batys Qazaqstan oblysy ákimdiginiń memlekettik eńbek ınspekııasy basqarmasynyń basshysy Asylulan Dosjanovtyń málimetinshe, jyl basynan beri 77 kásiporynnyń qyzmetine tekserý júrgizilip, 149 buzýshylyq anyqtaldy, olardyń basym bóligi áleýmettik-eńbek qatynastaryna qatysty.
Jumys berýshilerge qatysty 76 nusqama berilip, 32 kásiporynǵa aıyppul salyndy.
Ákimdik ókili óńir kásiporyndarynda eńbek janjaldarynyń bolmaýyn kásipodaqtarmen birlesken jumystardyń oń nátıjesi dep atady.
Sonymen qatar, Batys Qazaqstan oblysynda 10 salalyq kásipodaq jáne 14 jergilikti kásipodaq jumys isteıdi, olardyń quramynda 72 myń kásipodaq múshesi bar myńnan astam bastaýysh kásipodaq uıymdary bar. 2022 jyldyń 9 aıynda 10 jańa kásipodaq uıymy quryldy, 1700-den astam adam kásipodaq múshesi boldy.
Batys Qazaqstan oblysy kásipodaqtarynyń aýmaqtyq birlestiginiń tóraıymy Aıgúl Esekenovanyń aıtýynsha, áleýmettik áriptesterdiń basty jetistikteriniń biri Óńirlik kelisimge oblys kásiporyndary qyzmetkerleriniń jalaqysyn ınflıaııa deńgeıine ındeksteý jónindegi normalardy jáne kásiporyndardyń tehnıkalyq ınspektorlaryn materıaldyq yntalandyrý jónindegi sharalardy engizý boldy.
Alaıda kásibı ortalyqtyń statıstıkasyna sáıkes, bıyl óńir kásiporyndarynda 64 jazataıym oqıǵa oryn alyp, 47 adam zardap shekti, onyń 12-si qaıtys boldy.
Osyǵan baılanysty QR Kásipodaqtar federaııasynyń tóraǵasy Satybaldy Dáýletalın Áleýmettik áriptestik taraptaryna «Halyqtyq baqylaý» baǵdarlamasyn engize otyryp, «Vizionzero» standarttaryna qosylý arqyly jáne «ASPANS» eńbek qaýipsizdigin qamtamasyz etý boıynsha otandyq ıfrlyq platformany qoldaný arqyly óndiristik jaraqattaný jaǵdaılaryna jol bermeý sharalaryn kúsheıtýdi usyndy.
