Almaty marafonynyń qatysýshysy, 47 jastaǵy Rústem Sadyqov máre syzyǵyn kesip ótkenen keıin qaıtys boldy. Bul týraly marafondy uıymdastyrý komıteti málimdedi, dep habarlady “Adyrna” ulttyq portaly.
«Oqys jaǵdaı saǵat 09.35-te oryn aldy. Rústem 10 shaqyrym qashyqtyqty júgirip ótti, tirkelý kezinde oǵan 8743 nómiri buıyrǵan» – dedi «Almaty marafonynyń» dırektory Saltanat Qazybaeva.
Jarystyń bas dárigeri Orazbek Sahovtyń aıtýynsha, marqum Respýblıka alańyndaǵy máre syzyǵyn kesip ótip, birneshe metr qadam basqannan keıin birden qulap túsken.
«Biz oǵan birden kómek kórsete bastadyq. Alǵashqy kómekti «Qazaqstannyń Qyzyl Jarty Aı» eriktileri kórsetti, ary qaraı júrek-ókpe reanımaııasy (tikeleı emes júrek massajy, aýa ótkizgishti paıdalanyp Ambý qapshyǵymen tynystatý, birneshe ret defıbrıllıaııa jasaý, adrenalın ınekııalary) qalalyq jedel járdem stanııasynyń qyzmetkerlerimen birlesip júrgizildi. Bastapqyda júrek iske qosylyp, sınýs yrǵaǵy paıda boldy, biraq 2 mınýttan keıin júrek ustamasy qaıta ustady. Reanımaııalyq sharalar 30 mınýtqa sozyldy, onyń sońǵy 10 mınýty jedel járdem kóliginde jasaldy. Saǵat 10:15-te kisi ólimi tirkeldi. Resmı sebebin sot-medıınalyq saraptama júrgizilgennen keıin ǵana ataýǵa bolady» – Orazbek Sahov.
Marqumnyń jaqyndarynyń aıtýynsha, ol júgirý jarysyna birinshi ret qatysyp otyrǵan joq. Sáýir aıynda Almaty jartylaı marafonyna, 2021 jylǵy Almaty marafonyna da qatysyp, 10 shaqyrym qashyqtyqqa júgirgen.
