Saılaý – demokratııalyq ózgeristerge sebepker bolady. Saıasattanýshy, qoǵam belsendisi, tarıh ǵylymdarynyń kandıdaty Saılaýbek Ádil osyndaı pikirde. Bul týraly ol “Adyrna” ulttyq portalynyń tilshisine aıtyp berdi.
“Prezıdent saılaýy jańashyldyqtyń bastaýy. Qazirgi álemde bolyp jatyrǵan ózgeristerdi sheshýge turaqtylyq, naqtylyq jáne prezıdenttiń osy álem elder qatarynda ózindik jumysy men mindetin jeti jyl boıy atqaryp, reformalardy iske asyrý múmkindigi qajet. Osy múmkindikti jibermeý kerek. Sonymen qatar, halyqpen tyǵyz qatynas ornatý basty mindetke kirý qajet. Ádildikke jáne shynshyldyqqa, janashyldyqqa degen úmit árbirimizde bar. Eń bastysy osy birlik pen turaqtylyq bar jerde qoǵam da ózgereri anyq.
Qazir qoǵam ózgerip jatyr, áleýmet ózgerip jatyr,halyqtyń oı-sanasy ózgerip jatyr. Jańa zamanýı baǵytta ózgerip jatqannan keıin, saılaý qazirgi tańdaǵy qajetti dúnıelerdiń biri ma dep oılaımyn. Endi ol qalaı oń nátıje beretini, ne qandaı da bir nátıje bermeıtinin ýaqyt kórseter. Degenmen, qazirgi kezeńdegi saıası júıeni bir silkip, naqty qadamdarǵa jol silteıtinine úmittimiz”,- dedi tarıhshy.
Saıasattanýshynyń aıtýynsha, saılaý – saıası júıeni kezeń-kezeńimen qaıta jańartýdyń bastaýy
“Saılaýdy demokratııalyq ózgeristerge sebepker bola alatynyn aıtqym keledi. Eger ádil saılaý bolsa jáne bul baǵytty ustanýǵa árbir sanaly azamat óziniń tańdaýyn jasasa, artyqbaıbalam salýǵa ýaqyt joq. Bizdiń ary qaraı damýymyzǵa, kezeń-kezeńmen júrýge, bastalǵan reformalardyń aıaqtalýyna tek qana prezıdent emes, búkil halyq bolyp jumys jasaǵanymyz durys. Mine, sonyn ózi demokratııalyqtyń negizgi kózderiniń biri. Bir tutastyqpen, birlikte jumys jasaý, bul qandaı da bir saıası naýqan bolsyn tek oń nátıje beredi”,- dep sózin qorytyndylady.
”Adyrna” ulttyq portaly
