"Shekarada 10 km-lik keptelis": Reseılikter Qazaqstanǵa aǵylyp jatyr

1226

"Qazaqstanǵa qashyp kiretin reseılikter sany 3 mıllıonnan asýy múmkin. Qonaq úı, kólik baǵasy, iship-jem, taksıdiń aqysy qatty qymbattap keteri anyq. Syrtqy ister mınıstrligi qaıdasyzdar? Bul jaǵdaıda nege únsiz otyrmyz?" Bul pikirdi belgili bloger Dáýlet Muqaev óziniń ınstagram paraqshasynda qaldyrdy, dep jazady "Adyrna" ulttyq portaly.

"Sumdyq! Reseıde áskerı jaramdy azamattardy soǵysqa alý jaıly jarlyq shyqty degeli, Qazaqstanǵa reseılikter aǵylyp kelip jatyr. Shekarada 10 km-lik keptelister paıda bolǵan. Keshege deıin Ýkraına jerindegi soǵysty - spe.operaııa atap, tek kontraktnıkterdi tartqan. Sonyń ózinde áskerı kampanııaǵa baıqaýsyzda iligip ketpeıin, - dep Qazaqstanǵa 700 myń reseılik qashyp kirip edi. Olar ne istep júr? Qaıda turyp jatyr? Qandaı qylmystar jasady? Nendeı kásip ashty? Eshqandaı soıologııalyq zertteý joq. Al endi resmı mobılızaııa bastaldy, mamandar Qazaqstanǵa qashyp kiretin reseılikter sany 3 mıllıonnan asýy múmkin, - dep otyr. Qazirdiń ózinde telegram, vkontakte chattarda shekaradan zańdy-zańsyz ótýdiń joldaryn bir-birine úıretip jatyr. Bul kele jatqandar bılik ókilderi aıtyp jatqandaı orta dáýletti emes. Sońǵy tıynyna poıyzǵa bılep alyp, avtobýspen kele jatyr. Qarjysy joq bul qalyń top erteń eldegi krımınaldyq ahýaldy qıyndatyp jiberetini anyq. Tek orys tilinde qyzmet talap etińder,- dep chattarda úgip júrip jatyr. Erteń til, ultaralyq kıkiljiń kúsheıedi. Keshegi 600 myń kelimsek Almaty, Astanadan páter satyp ala bastap edi, sonyń saldarynan Almaty-Astanada úı baǵasy, jaldaý aqysy 30-50 paıyzǵa qymbattap ketken edi. Endi mıllıondaǵany kirse, baspana quny ushady. Qonaq úı, kólik baǵasy, iship-jem, taksıdiń aqysy qatty qymbattap keteri anyq. Syrtqy ister mınıstrligi qaıdasyzdar? Bul jaǵdaıda nege únsiz otyrmyz?", - dep jazdy Dáýlet Muqaev.

"Adyrna" ulttyq portaly

Pikirler
Redakııa tańdaýy