Prezident Qasym-Jomart Toqaev sailau siklınıŋ qorytyndysy boiynşa Qazaqstannyŋ bükıl saiasi jüiesın tübegeilı qaita jükteu jüzege asyrylatynyn aitty. Būl turaly Aqorda mälımdedı, dep habarlaidy “Adyrna” ūlttyq portaly.
Memleket basşysy soŋǧy üş jylda jürgızılgen reformalar men konstitusiialyq reforma elımızdegı memlekettık jäne saiasi qūrylymnyŋ jaŋa ülgısın qalyptastyrǧanyn atap öttı.
"Sondyqtan men Joldauda sailau siklınıŋ barlyq kestesın aşyq aittym. Osylaişa, barlyq negızgı memlekettık instituttar kezeŋ-kezeŋımen qaita ıske qosylady: Prezident, Parlament, ükımet, mäslihattar", - dedı Qasym-Jomart Toqaev Qazaqstan halqyna Joldauynda.
Sondai-aq, ol būl bastamanyŋ jariialanǧanyna bır aiǧa juyq uaqyt ötkenın, osy uaqyt barlyq mäselelerdı asyqpai talqylauǧa jäne baǧalauǧa jetkılıktı bolǧanyn basa aitty.
"Qoǧam bızdıŋ saiasi jüienı özgertu jönındegı josparlarymyzdyŋ qisyny men keleşegın naqty tüsındı. Sondyqtan būryn jariialanǧan sailau kestesıne säikes jäne elımızdıŋ Konstitusiiasyna säikes 20 qaraşada Qazaqstanda kezekten tys prezident sailauy ötedı.
Būl sailau bükıl saiasi jüienı tübegeilı qalpyna keltıruetın sailau siklın bastaidy», - dep qosty ol.
Memleket basşysynyŋ aituynşa, būl bolaşaqta tūraqty ekonomikalyq ösudı qamtamasyz etu, azamattardyŋ äl-auqaty men ömır süru sapasyn arttyru jönındegı ūzaq merzımdı mındetterdı şeşuge jūmyluǧa mümkındık beredı.
”Adyrna” ūlttyq portaly
