Qasym-Jomart Toqaevtyń tóraǵalyǵymen Qazaqstan Respýblıkasy Qaýipsizdik Keńesiniń kezekti otyrysy ótti. Bul týraly Aqordaǵa jazdy, dep habarlaıdy “Adyrna”.
Jıynda Ulttyq qaýipsizdik strategııasyn júzege asyrý úshin qabyldanǵan Ulttyq qaýipsizdik táýekelderin basqarý jónindegi 2021-2025 jyldarǵa arnalǵan is-qımyl josparyna saı byltyrǵy atqarylǵan jumystardyń nátıjeleri qarastyryldy.
Úkimet pen birqatar salalyq memlekettik organnyń basshylary negizgi kórsetkishterdiń oryndalýy týraly málimet berdi. Keńes otyrysynda áli de pysyqtaýdy qajet etetin, sonyń ishinde qoǵamdyq, ekonomıkalyq, ekologııalyq jáne aqparattyq qaýipsizdik baǵytyndaǵy máseleler talqylandy.
Prezıdent Ulttyq qaýipsizdik strategııasynyń iske asyrylýy naqty nátıjelermen baǵalanýǵa tıis ekenine nazar aýdardy. Onyń qoǵam úshin mańyzy zor. Bul rette barlyq salany damytý barysynda azamattar men memlekettiń qaýipsizdik faktory eskerilýge tıis.
Sonymen qatar jıynda terrorızmge jáne ekstremızmge qarsy kúrestiń ózekti máseleleri qarastyryldy.
Ulttyq qaýipsizdik komıtetiniń tóraǵasy Ermek Saǵymbaev terrorıstik jáne ekstremıstik áreketterdiń qaýpin azaıtý, sondaı-aq terrorızmge qarsy qorǵanysty kúsheıtý úshin qabyldanyp jatqan sharalar jóninde baıandady.
Otyrys qorytyndysy boıynsha memlekettik organdarǵa naqty tapsyrma berildi.
