Búgin Aqordada Qazaqstan-Ózbekstan joǵary memleketaralyq keńesiniń birinshi otyrysy ótkizilýde, dep habarlaıdy “Adyrna” ulttyq portaly.
Otyrysqa Preıdent Qasym-Jomart Toqaev pen Ózbekstan prezıdenti Shavkat Mırzııoev qatysýda. Áýeli sóz alǵan Toqaev shaqyrýdy qabyl alyp, Qazaqstanǵa memlekettik saparmen kelgeni úshin prezıdent Shavkat Mırzııoevke shynaıy rızashylyǵyn bildirdi.
“Týysqan ózbek halqynyń basshysyn qazaq jerinde qarsy alý biz úshin úlken qurmet, mártebe. Ózbekstan qazaq eline baýyrlas memleket, tatý kórshi, mańyzdy ári senimdi seriktes. Halyqtarymyzdyń myzǵymas dostyǵy ortaq tarıhqa jáne qundylyqtarǵa negizdelgen”, - dedi otyrysty ashqan Qazaqstan Prezıdenti.
Sondaı-aq, Toqaev qazaq-ózbek qatynasy strategııalyq seriktestik jáne odastastyq rýhynda turaqty damyp kele jatqanyn basa aıtty.
”Biz Ózbekstanmen yntymaqtastyqty nyǵaıta túsýge aıryqsha kóńil bólemiz. Byltyr odaqtastyq qatynastar týraly tarıhı shartqa qol qoıdyq. Búgin aldaǵy 10 jylǵa arnalǵan strategııalyq áriptestikti jáne odastastyqty damytý baǵdarlamasyn bekitemiz. Osy mańyzdy qadamdar eki eldiń baılanysyn damytýǵa aıryqsha serpin beredi dep senemiz”, - dedi Toqaev.
Aıta keteıik, Ózbekstan prezıdenti Shavkat Mırzııoev keshe Qazaqstanǵa memlekettik saparmen kelgen. Qasym-Jomart Toqaev Qazaqstanǵa memlekettik saparmen kelgen Ózbekstan prezıdenti Shavkat Mırzııoevti elorda áýejaıynda qarsy aldy.
