بۇۇ باس حاتشىسى توقاەۆتىڭ باستاماسىن قولدادى

1554
Adyrna.kz Telegram
فوتو: اقوردا
فوتو: اقوردا

قاسىم-جومارت توقاەۆ نيۋ-يورككە جۇمىس ساپارىنىڭ سوڭىندا بۇۇ باس حاتشىسى انتونيۋ گۋتەرريشپەن كەلىسسوز جۇرگىزدى. بۇل تۋرالى اقوردانىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.

كونسترۋكتيۆتى جانە دوستىق جاعدايىندا وتكەن كەزدەسۋدە قازاقستان مەن بۇۇ اراسىنداعى ىنتىماقتاستىقتى نىعايتۋدىڭ جاي-كۇيى مەن پەرسپەكتيۆالارى تالقىلاندى.

سونداي-اق قازىرگى زاماننىڭ وزەكتى سىن-قاتەرلەرىن شەشۋدىڭ ۇجىمدىق ادىستەرىن ازىرلەۋگە باعىتتالعان كۇش-جىگەرگە ەرەكشە نازار اۋدارىلدى.

قاسىم-جومارت توقاەۆ انتونيۋ گۋتەرريشتىڭ بۇۇ باس حاتشىسى لاۋازىمىنداعى قىزمەتىن جوعارى باعالاپ، ونىڭ 2023 جىلى «بولاشاق ءسامميتىن» شاقىرۋ تۋرالى باستاماسىن تولىق قولدايتىنىن جەتكىزدى. پرەزيدەنت وسى ماڭىزدى جيىننىڭ قورىتىندىسى ورنىقتى دامۋ ماقساتتارىن جۇزەگە اسىرۋعا ىقپال ەتەتىنىنە سەنىم ءبىلدىردى.

«تاراپتار مەملەكەت باسشىسىنىڭ الماتى قالاسىندا ورتالىق ازيا مەن اۋعانستان ءۇشىن ورنىقتى دامۋ ماقساتتارى جونىندەگى بۇۇ حابىن قۇرۋ باستاماسىنىڭ جۇزەگە اسىرىلۋ بارىسىن قاراستىردى. بۇۇ باس حاتشىسى بۇل ماڭىزدى باستامانى قولدايتىنىن ايتتى»، - دەلىنگەن حابارلامادا.

قاسىم-جومارت توقاەۆ انتونيۋ گۋتەرريشتى قازاقستانعا ساپارمەن كەلۋگە شاقىردى.

”ادىرنا” ۇلتتىق پورتالى

پىكىرلەر